Мәгариф һәм фән хезмәткәрләренең республика август киңәшмәсе эшен дәвам итә. Бу көнне районыбыз мәгариф идарәләренең милли мәгариф өчен җаваплы методистларын, белгечләрен, белем бирү оешмаларының җитәкчеләрен, Татарстан Республикасы мәгариф һәм фән министрлыгы һәм мәгарифне үстерү институты белгечләрен кабул итте. Лицейда узган семинарда кунакларга татар теле һәм әдәбияты укытучысы Гарифуллина Д.Р. "Үзлектән танышу өчен дәрес материалын алдан биреп укыту" темасы буенча мастер -класс күрсәтте.