27.01.17 көнне мәктәптә “Белем йортыбызда без кабат” дип аталган студентлар белән очрашу үтте. Кичәдә Казан, Әлмәт, Яр Чаллы шәһәрләренең төрле уку йортларында, Мөслим аграр көллиятендә укыган студентлар катнашты. Укучылар белән даими элемтәдә торучы, мәктәптә үткәрелә торган бер генә чарага да битараф булмаган, бүгенге көндә авыл мәдәният йортын җитәкләгән Миләүшә апа Ранасовна кунак итеп чакырылган иде. Ул бүген-иртәгә олы тормыш юлына басарга торучы 9 нчы, 11 нче класс укучыларына үзенең төпле киңәшләрен бирде. Бүгенге катлаулы да, авыр да заманда тормышта үз урыныңны табу өчен, нинди сыйфатларга ия булырга кирәклегенә басым ясады. Студентлар төркемнәрдә эшләделәр. Аларга “Уңышка юл”, “Уңыш формуласы”, “Уңышлы булу өчен нинди сыйфатларга ия булу кирәк?” дигән биремнәр тәкъдим ителде. Максатка юл”, “Вакыт ашыга” дигән видеороликлар каралды, фикерләр тыңланды. 11 нче класс укучылары тарафыннан студентлар өчен “Мәктәп фотоальбомыннан” дигән видеоролик әзерләнде.