Россиядә тагын бер экологик бәйрәм барлыкка килде – Песнәкләр көне. Ул кошларны яклау союзы инициативасы белән булдырылды һәм 12 ноябрь көнендә билгеләп үтелә. Бу көн шулай ук кышлаучы кошларны каршы алу көне буларак та билгеле. Башлангыч класс укучылары катнашында, “Песнәкләр көне” уңаеннан,  “Кошларга ярдәм итик!” дигән чара узды. Балалар песнәкләр һәм бездә кышлаучы башка кошлар турында бик күп кызыклы мәгълүматлар белделәр. Аннан соң кошлар өчен җимлекләрнең төрләре күрсәтелде. Укучылар, ишегалларында һәм йорт тирәләрендә җимлекләр оештырырга дигән өй эше алдылар һәм иң мөһиме аларга, канатлы дусларыбыз өчен орлыклар сибәргә онытмаска кирәклеге әйтелде.