“Татар теле һәм әдәбияты дәресләрендә предмет һәм метапредмет нәтиҗәләргә ирешү юллары” темасына районнның татар теле һәм әдәбияты укытучыларының районара семинары узды. Семинарда Күбәк урта гомуми белем бирү мәктәбенең  югары квалификация категорияле татар теле һәм әдәбияты укытучысы  Гарифуллина Д.Р. 7 нче сыйныфта “Туган ягым көзе” - инша язарга әзерлек” темасына, Күбәк урта гомуми белем бирү мәктәбенең I квалификация категорияле  татар теле һәм әдәбияты укытучысы  Нәҗмиева Г.Л. 6 нчы сыйныфта «Сыйфат» темасын гомумиләштереп кабатлау» темасына татар теле дәресләре күрсәттеләр. Кунакларга күренекле якташларыбыз Х.Әюп һәм Н.Әюповка багышланган “Мин дәвамы туган ягымның...” дип аталган әдәби-музыкаль кичә күрсәтелде. Баек төп гомуми белем бирү мәктәбе I квалификация категорияле  татар теле һәм әдәбияты укытучылары Садриева Г.М., Латыпова Л.Т. “Шәфкатьлелек бизи кешене” темасына 9 нчы сыйныф укучыларын 11.1 биреме буенча БРТга әзерләү буенча мастер-класс үткәрделәр. Әмәкәй төп гомуми белем бирү мәктәбенең югары квалификация категорияле татар теле һәм әдәбияты укытучысы Хәкимова Г.Ш. “ФДББС буенча заманча дәрес” темасына мастер-класс тәкъдим итте. Семинарда Актаныш районының татар теле һәм әдәбияты укытучылары да катнашты.