Бүген мәктәптә “Өлкәннәр көне”, “Укытучылар көне” уңаеннан, “Бер очрашу-бер гомер” дип исемләнгән бәйрәм кичәсе үткәрелде.  Чарада күп еллар мәктәптә эшләп лаеклы ялга чыккан ветеран укытучыларыбыз, техперсонал катнашты.  . Гомерләре буе хезмәттә кайнап, тормыш авырлыкларын иңнәрендә күтәреп, мәктәп данын район, республикакүләм  танытуда зур өлеш кертеп, лаеклы ялга кадәр намуслы хезмәт иткән ветераннарга рәхмәт сүзләре яңгырады. 2 нче класс укучылары (кл. җит. Шаймарданова Р.Г.) бәйрәм концерты әзерләделәр. Укытучылар җылы әңгәмә корып, бер-берсенең хәлләрен сорашып, тормышлары белән кызыксындылар. Бүгенге очрашу һәркемнең күңелендә онытылмаслык матур хәтирә булып сакланыр. Бәйрәмнәрдә генә түгел, гадәти тормышта да өлкәннәрнең, якыннарның  кадерен белеп, күрешеп яшик. Юкка гына халык: “Җир астыннан юллар ябык, исән чакта күрешик” , - димәгән.Чыннан да, бер күрешү-үзе бер гомер.