Мурзина И. биология ( укытучысы Ханнанова Г.М.) һәм инглиз теле ( укытучысы Хафизова А.И.) фәннәреннән Россиякүләм олимпиадасының район туры призеры булды. Илүзәгә һәм укытучыларына рәхмәт белдерәбез,  киләчәктә уңышлар телибез.

"Иң яхшы математика кабинеты" конкурсының муниципаль турында II урын алган өчен  математика кабинеты  яңа, матур мебель белән бүләкләнде. Кабинет җитәкчесе-Мурзина С.Н.

Геология фәненнән Россиякүләм олимпиаданың район турында Шакирянов И. ( укытучысы Мубаракова Д.Ф.) призер булды. Инсафка һәм аның укытучысына рәхмәт белдерәбез , тагын да югары уңышларга ирешүен телибез.

         Бәйрәм уңаеннан  мәктәпкә әниләр чакырылды. Алар  8, 9 класс укучылары катнашында монтаж  һәм концерт карадылар, Шамсова Р.Д. чыгышын тыңладылар .         Җир йөзендә һәр хатын-кызны бәхетле иткән көн бит бу. Көннең яктылыгы – кояшта, күкнең матурлыгы – йолдызларда, җир йөзенең гүзәллеге – хатын-кызларда. Сезне чын күңелдән шушы җир йөзен бизәгән Әниләр көне белән тәбриклибез.                         

  Күңелегездә сезнең кояш яна,                           

  Нурлы йөзегездә - яз яме.                            

  Җирдә яшәү җырга әверелсен,                           

  Котлы булсын әни бәйрәме!         

  Бәйрәмнең кайсы да җанга ял алып килә. Шушы бәйрәм көне, елмаеп баккан кояшның матурлыгын, табигатьнең самимилеген өстәп, күңелегезгә шатлык, тәнегезгә сихәтлек, өегезгә иминлек алып килсен.                

VII Бөтенроссия "Илһамлы каләм" әдәби әсәрләр конкурсында катнашып X сыйныф укучысы Фаррахова Г. ( укытучысы Хәкимова Г.Ш) " Авторның үз стилен чагылдыручы әсәр" номинациясендә җиңүче булды. Мурзина И., Хафизова И. (10 сыйныф), Вәлиева А., Җәлилова А. ( 9 сыйныф) "Шигъри сабантуй" поэтик фестиваленең II турында катнашып сертификатка ия булдылар. 

Бөтенроссия фәнни-практик "Фән фестивале" конференциясенең район турында  Шакирянов И. (11 кл), Фаррахова Г.(10 кл), Насретдинова А.(10 кл) торган укучылар төркеме    (Җитәкчелеләре - Хәкимова Г.Ш. ) " Татарстан һәм татар халкы тарихы һәм мәдәнияте" номинациясендә   2 урын яулады. 

Баек, Күбәк, Үрәзмәт, Әмәкәй мәктәбе укытучылары Сингапур методикасы буенча укыдылар.

Хокук айлыгы кысаларында 1-11 классларда класс сәгатьләре узды. 

Бүген 1 , 11 классларда ата-аналар җыелышлары үтте.1 класс укучыларының ата-аналары "Әлифба" дәресе карадылар, класс җитәкчесе Мәүләветдинова И.Р. ның "Белем алуда ничек ярдәм итәргә ?" дигән темага чыгышын тыңладылар, ә 11 класс ата-аналары класс җитәкчесе Суфиянова Р.М. белән "Интернетта балалар куркынычсызлыгы"  һәм  ЕГЭ га әзерлек темасына сөйләштеләр.