Районда Тукай бәйрәмендә 11 нче сыйныф укучысы Фаррахов Р.  Гамил Афзалның "Йөрәгемдә йөртәм  сине" шигырен укыды.

Каен агачы кешеләргә бик күп төрле файда китерә. Медицинада каен бөресе, каен тузыннан алынган дегет, каен яфрагы, каен суы, каен гөмбәсе-—чага, каен күмере кулланыла. Каен бөресеннән алынган эфир мае, сумала  парфюмерия промышленностеңдә файдаланыла. Мәктәбебез укучылары каен бөресен  җыеп тапшырдылар.

Табигать – туган йортыбыз. Аның байлыкларын саклау - безнең төп бурычыбыз. Һәркем дә агач утыртырга, кош оялары ясап куярга тиеш. Шимбә көнне 8-10 класс укучылары һәм аларның укытучылары юл буена агач утырту өмәсендә катнаштылар.

 Габдулла Тукай  мирасын өйрәнүгә багышланган "Без -Тукайлы халык" IV Республикакүләм укуларда 10 класс укучысы Фәррахова Г. (  җитәкчесе- Хәкимова Г.Ш.) "Г.Тукай төзегән җыентыкларның әдәбият үсешендәге әһәмияте" номинациясендә I урынга лаек булды. Котлыйбыз, уңышлар телибез!

Җиһанга яз Галиҗәнапләре аяк басып, киләчәккә өмет-ышанычлар белән кыш буе "йокымсырап" яткан күңелләрне уятса да, ул бетмәс-төкәнмәс эш-мәшәкатьләр дә алып килә. Укытучылар, укучылар, хезмәткәрләр өчен бу арада бигрәк тә эш "кызу" – ишек алдын, бакчаны чистарту мөһим эшләрнең берсе булып тора. 

Яр Чаллы шәһәренең " Гали Акыш исемендәге 84 номерлы лицей-интернат" уздырган I региональ "Интеллект" интернет-олимпиадасында  4-9 класс  укучылары катнашты. 4 класс укучысы  Шакирянов Р., 5 класс укучысы Холбутаева Н. II урын, Әхмәтгалиев Р.  һәм  6 класс укучысы  Шайхразиева А. III урын яулап, дипломга ия булдылар. Аларны уңышлары белән котлыйбыз, сәламәтлек телибез.

Бөтенроссия "Страна талантов" предмет олимпиадасының нәтиҗәләре билгеле булды. Математика фәненнән Холбутаева Наилә федераль дәрәҗәдә  I урын (укытучысы-Мурзина С.Н.), рус теленнән Бәдретдинова Алисә республика буенча II урын ( укытучысы -Фаррахова Р.Г.)  яуладылар һәм бүләккә ия булдылар. Уңышларыгыз белән котлыйбыз, кызлар!

"Җиңүнең 70 еллыгына 70 сыерчык оясы" бәйгесендә катнашып, 7 класс укучысы Якупов Илдар III урынга лаек булды. Грамота һәм  истәлекле бүләк белән бүләкләнде.  

3,4 апрель көннәрендә мәктәп күләмендә өмә үтте. Укучыларның әтиләре мәктәп территориясен җыештыруда катнаштылар.

Яшел Үзән шәһәрендә үткәрелгән регионара К.Насыйри исемендәге XIII фәнни-гамәли укуларында X сыйныф укучысы Насретдинова А. татар әдәбияты секциясендә катнашып уңышлы чыгыш ясады. Мурзина И. туган як тарихы секциясендә катнашучы сертификатына ия булды. ( Җитәкчеләре- Хәкимова Г.Ш.)