Математика елы уңаеннан үткәрелгән "Иң яхшы математика кабинеты" исемле район  конкурсында безнең мәктәпнең математика кабинеты икенче урынны яулады.(Кабинет җитәкчесе Мурзина С.Н.) 

"Иң яхшы ОБЖ кабинеты" республикакүләм конкурсның район турында ОБЖ кабинеты да икенче урынны алды. (Кабинет җитәкчесе Әхмәтов Р.Ә.) Укытучыларыбызга сәламәтлек, эшләрендә тагын да зуррак җиңүләргә ирешүләрен теләп калабыз.

Укытучыларыбызны яңа уку елына аяк басулары белән котлыйбыз! Сәламәтлек, уңышлар, зур җиңүләр юлдаш булсын Сезгә!

Яңа уку елын тиешле дәрәҗәдә башлау өчен күп төрле чаралар күрелә.Ишек алды, ихата тирәсе озын үскән үләннәрдән арындырылды. Ишек төбенә, ашханәдә,коридорларда косметик ремонт үткәрелде. Ихатаның бер өлешенә тимер баганалар утыртылып,тимер сетка тарттырылды. Математика кабинетының стеналары, парталары, җылыту торбалары буялды, стендлары яңартылды, газ котельныйлары ремонтланды.

Мәктәп бакчасында үскән карлыган, кура җиләге, чия җыелып, гомумитуклану өчен кышка кайнатма әзерләнә.

Укучыларыбыз Минныразиев Рәзил, Вәлиев Илнар, Шакирянов Инсаф, Мурзова Ольга авыл хуҗалыгы эшчәннәренә һәм терлекчеләргә ярдәм итәләр. Егетләр көтү көтәләр, ә Оля терлек азыгы әзерләүче абыйларын тәмле ашлары белән сыйлый. 

11 класс укучыларына урта гомуми белем турында аттестат бирелде.