10-11 класс укучылары арасында брейн-ринг узды.

Укучылар район күләмендә уздырылган "Ветеранга бүләк" акциясендә катнаштылар. 9, 2, 4  класс укучыларының ( класс җитәкчеләре- Шакирянова З.Ә,Мухамадиева А.Ф.) эшләре иң яхшылары дип бәяләнде һәм районга җибәрелде.

Тарих һәм җәмгыять белеме укытучысы Әхмәтов Р.Ә  "Ватан геройлары" темасына 5-11 класслар өчен тәрбия сәгате уздырды.

8-9 декабрь-Мөслимдә татар әдәбияты көннәре дип игълан ителде. Шул уңайдан районга республиканың мәртәбәле язучылары килде. Безнең мәктәптә дә язучылар белән очрашу булды. Очрашуга Халыкара Андерсен бүләге иясе, Тукай, Җәлил, Алиш премияләре лауреаты, Татарстанның һәм Башкортстанның атказанган сәнгать эшлеклесе, шагыйрь Роберт Миңнуллин, Мөслимдә яшәп иҗат итүче язучы, С.Сөләйманова исемендәге әдәби бүләк иясе Роза Хәбибуллина, Әлмәт Язучылар берлеге рәисе, филология фәннәре кандидаты, язучы Рифгать Ширияздан улы Шагиевлар килде. Кичә укучыларның чыгышы белән үрелеп барды. Язучылар балаларга үзләренең теләкләрен җиткерделәр, укучыларны кызыксындырган сорауларга җавап бирделәр.

 Тарих һәм җәгыять белеме атналыгы кысаларында Бәдретдинова Г.М. 7-9 класс укучылары белән "Что? Где? Когда" тапшыруы уздырды.

1-4 класслар өчен "Математик тамаша" булды. Укучылар математик шигырьләр сөйләделәр һәм шунда ук җавапларын таптылар.

"Математик викторина" (5-11 класс)  укучылар өчен бик мавыктыргыч булды.

Бүген 8, 9 класс укучылары зирәклектә һәм тапкырлыкта көч сынашты.

Математикадан Россиякүләм олимпиаданың район турында Мурзина И., Бәдретдинова А. (укытучылары Мурзина С.Н.) җинү яуладылар. Аларны җиңүләре белән котлыйбыз һәм  уңышлар телибез.

Математика укытучысы Мурзина С.Н. 5-6 класслар арасында  "Математика дөньясында" дип аталган  КВН уздырды. КВН да 5 классларның "Арифметика" командасы җинү яулады һәм бүләкләнде. Катнашучылар да бүләксез калмадылар.