25 нче апрель көнне 3М сыйныфында Габдулла Тукайга багышланган «Тукай - мәңге сүнмәс йолдыз ул» дип аталган ачык чара үткәрелде. (Җитәкчеләре-Миннегулова Э.А.,Илалова Ф.З.) Укучылар Тукайга багышланган презентация карап үттеләр, шигырьләрен сәхнәләштерделәр, бәйгеләрдә бик теләп катнаштылар.

24 нче апрель көнне татар теле атналыгы кысаларында класстан тыш чаралар уздырылды.7Б сыйныфында (укытучы Замалтдинова Г.М.) якташыбыз Ш.Бикчурин исемендәге премия лауреаты,ТР рәссамнар берлеге әгъзасы Мөдәррис Минһаҗевка багышланган сыйныфтан тыш чара узды.Укучылар аның табигатькә, хатын-кыз образына, халык язмышына атап иҗат иткән картиналарын кызыксыну белән карадылар.
5АМ сыйныфында (татар төркеме) татар теле һәм әдәбияты укытучысы Мурадымова Д.Ф. “Китап турында мәкальләр һәм табышмаклар” бәйгесе үткәрде. Укучылар беренче татар китабы турында презентация белән таныштылар, китапны саклау турында шигырьләр сөйләделәр, мәкальләр әйтештеләр, үзләре әзерләп килгән табышмакларга җаваплар таптылар. Бәйгедә укучылар бик актив катнаштылар.
Шулай ук 6М сыйныфында (рус төркеме) Аскарова Ә.Я., исмагилова Г.Ш. җитәкчелегендә “Муса Җәлил батырлыгын халык онытмый...” исемле әдәби – музыкаль кичә үткәрелде. Герой – шагыйрьнең үлемсез шигырьләре укучыларның күңелендә тирән эз калдырды. Муса Җәлил шигырьләренә язылган
“Сәгать “,”Чишмә” җырларын җырладылар.”Кызыл ромашка” шигырен сәхнәләштерделәр. Укучылар дәрестә актив катнаштылар.

23 апрель көнне татар теле һәм әдәбияты атналыгы кысаларында мавыктыргыч чаралар уздырылды. 4А сыйныфы (рус төркеме) Галиева Л.А. җитәкчелегендә “Хикмәтле дә, бизәкле дә туган тел!” исеме астында КВН үткәрелде. Укучылар ике төркемгә бүленеп ярыштылар, сорауларга җавап бирделәр. Балаларга бигрәк тә “Полиндром” уены ошады. Бу уен барышында алар төрле темаларга текстлар төзеделәр. Чара барышында балалар татар теле буенча белемнәрен күрсәттеләр.

26 апрель –бөек татар шагыйре Габдулла Тукайның туган көне. Башлангыч сыйныф укучылары арасында Г. Тукайның әсәрләре буенча рәсем күргәзмәсе оештырылды. Кечкенә рәссамнар үзләренең иҗади эшләрен күргәзмәгә тәкъдим иттеләр. Күргәзмәне оештыручылар: Илалова Ф.З., Миннегулова Э.А.)

23 нче апрель көнне 8А сыйныфында ( укытучы МурадымоваД.Ф.) ”Зур узыш” исемле сыйныфтан тыш чара узды. Укучылар ике командага бүленеп үзара көч сынаштылар . Татар теле һәм әдәбияты дәресләрендә алган белемнәрен кулланып “Кем җитезрәк?”, “Парын тап”, “Кем өлгер” һәм башка ярышларда катнаштылар. Чарада Сингапур структураларының элементлары да кулланылды.Бу ярыш аларның бар яклап та булганлыкларын күрсәтте. Барлык катнашучыларга да ярыш ошады.

Бүген, 23 апрельдә 2М сыйныфы (укытучысы- Насыбуллина Ф.В.) 1нче сыйныф укучыларына “Шалкан” рус халык әкиятен сәхнәләштереп күрсәттеләр. Яшь артистлар сәхнәдә үзләрен чын артистлар кебек тоттылар. Укучыларга әкият бик ошады.

22 апрель көнне татар теле һәм әдәбияты атналыгы кысаларында 5М, 7А, 11М сыйныфы укучылары мәктәбебезнең Туган якны өйрәнү тарихы музеенда экскурсиядә булдылар. Музей җитәкчесе Шамгунова Ольга Фоат кызы укучыларга мәктәпнең 60-еллык тарихы турында кызыклы мәгълүмат сөйләде. Укучылар соңыннан музей экспонатларын карап чыктылар. Шулай ук 2 М сыйныфы (Насыбуллина Ф.В) укучылары мәктәп китапханәсенә сәяхәт ясадылар. Китапханәче Ирина Васильевна Манакова укучыларны татар телендә чыга торган китап һәм журналлар белән таныштырды. Укучыларда татарча китаплар укуга кызыксыну уятты.
Тәнәфес вакытында 3М сыйныфы укучылары (Миннегулова Э.А., Илалова Ф.З.) белән татар халкының “Чума үрдәк, чума каз”, “Йөзек салыш” уеннары үткәрелде.
 

22.04 в школьном историко - краеведческом музее «Память сердца» прошел очередной День открытых дверей, посвященный приближающемуся 60-летнему юбилею школы. С большим интересом и вниманием информацию об истории развития школы, ее успехах, прославленных учителях и учениках выслушали коллективы 11м,7а,7в,5а,5м классов под руководством учителей татарского языка Рафиковой З.С., Мурадымовой Д.Ф., Замалтдиновой З.А., зам. директора школы по национальному воспитанию Ялалтдиновой З.А. Большое спасибо организатору и ведущему экскурсий, руководителю музея Шамгуновой О.Ф.