Муниципальное бюджетное общеобразовательное учреждение «Кушманская основная общеобразовательная школа имени Абрара Сагиди Кайбицкого муниципального района Республики Татарстан» ***«Татарстан Республикасы Кайбыч муниципаль районы Әбрар Сәгыйди исемендәге Кошман төп гомуми белем бирү учреждениесе» МБГББУ
Визитная карточка
Адрес: | 422328, РТ, Кайбицкий район, с. Кушманы, ул. Школьная, д. 31 |
Телефон: | +7(843)-703-26-35 |
E-Mail: | sch736k@rambler.ru, Sku.Kbc@tatar.ru |
Министерство: | Министерство образования и науки Республики Татарстан |
Короткое название: | МБОУ "Кушманская ООШ" |
Руководитель: | Гафарова Равиля Рахимулловна |
Год основания учреждения: | 1997 |
У нас учатся: | 87 учащихся / укучы |
У нас учат: | 16 учителей / укытучы |
Муниципальное бюджетное общеобразовательное учреждение «Кушманская основная общеобразовательная школа имени Абрара Сагиди Кайбицкого муниципального района Республики Татарстан» ***«Татарстан Республикасы Кайбыч муниципаль районы Әбрар Сәгыйди исемендәге Кошман төп гомуми белем бирү учреждениесе» МБГББУ - новости
Страницы: << 151 152 153 154 155 156 157 ( 158 ) 159 160 >>
- Хәтер вахтасы 09.05.2015
-
Бөек Җиңүгә дан!
08.05.2015
8 майда мәктәп коллективы авыл җирлеге белән бергәләп Бөек Ватан сугышында җиңүнең 70 еллыгын билгеләп үттек. 1945 нче елның тарихи яз көннәрен вакыт бездән һаман ераклаштырса да, бу зур сугышта катнашучыларның бик күбесе безнең арабыздан мәңгелек йортка күчсә дә, еллар узуга карап, бөтендөнья цивилизациясен кара көчләрдән коткарган, безнең киләчәгебез, балаларыбызның һәм оныкларыбызның киләчәге өчен кан койган Ватан сакчыларына олы рәхмәт хисләребез артканнан-арта гына бара. Бөек Җиңүгә дан!
-
Котлыйбыз!
06.05.2015
Мәктәбебезнең ЦВР "ЭКО" аркылы эшләүче "Көмеш каләм" берләшмәсе әгъзасы 9 нчы сыйныф укучысы Гарифуллина Чулпан чираттагы бәйгедә җиңү яулады.ТР Журналистлар берлеге, ТР "Прогресс" яшьләр үзәге, ТР Фән һәм мәгариф министрлыгы, ТР Язучылар берлеге, "Ярдәм" милли ислам хәйрия фонды оештырган I нче Республика "Җиңү җыры" әдәби конкурсында 17 яшькәчә булган катнашучылар арасында "Мәкалә" номинациясендә 3 нче урынга лаек булды. Җитәкчесе Сайранова Р.Т. Рәхмәт хаты белән бүләкләнде. Афәрин! Бу җиңүегез соңгысы булмасын, алга таба да иҗади уңышлар телибез.
-
04.05.2015
Бүген башлангыч сыйныф укучылары һәм укытучылары Түбән Кошман урамнарыннан чүп җыйдылар, 5-9 сыйныф укучылары сыйныф җитәкчеләре белән бергәләп мәктәп бакчасында җир казыдылар, парник ясадылар, территорияне җыештырдылар.
-
Балаларыбыз имин булсын!
30.04.2015
30 нчы майда мәктәптә балаларны төрле аяныч хәлләрдән яклау көне булып узды. Балаларны төрле юл һаләкәтеннән кисәтү буенча фильмнар күрсәтелде. Урамда очраган этләрдән саклану кагыйдәләре буенча әңгәмә үткәрелде, эвакуация булды.
-
"Җиңү бакчасы"
29.04.2015
Бүген мәктәбебез укучылары һәм укытучылары бик изге һәм саваплы эш эшләделәр. Алар көче белән Бөек Җиңүнең 70 еллыгы хөрмәтенә мәктәп бакчасына җимеш агачлары һәм роза чәчәкләре утыртылды. Бакча өчен үсентеләрне һәр укучының ата-анасы, укытучылар һәм хезмәткәрләр бүләк итте. Изге ният белән башкарган бу эшебезнең ахыры да хәерле булсын. Еллар тыныч, имин булып, һава шартлары матур торсын. Утырткан агачларыбыз тиз генә тернәкләнеп китеп озак еллар җимешләр белән сөендерсен. Ә гөлчәчәкләребез мәктәбебезне тагын да матурлап, күңелләребезне иркәләсен. Шушы башлангычка кушылган, ярдәм иткән кешеләрнең барсына да Алланың рәхмәте булсын.
-
Булачак шагыйрьләр мәктәбебездә үсә
28.04.2015
“Сәләт ”яшьләр иҗтимагый фонды, “Сәләт яшьләр үзәге” ТР яшьләр эшләре һәм спорт министрлыгы һәм ТР мәгариф һәм фән министрлыгы белән берлектә үкәргән “Сәләткә нур булган йолдызлар” Республикакүләм ачык әдәби ярышта “Көмеш каләм” берләшмәсе членнары 7 нче сыйныф укучысы Минвәлиева Илүзә һәм 9 нчы сыйныф укучысы Гарифуллина Чулпан Сайранова Р.Т. җитәкчелегендә катнашып таныклыкка ия булдылар. Минвәлиева Илүзә бүләкләү тантанасына барды һәм сәхнәдән үзе язган “Карт әбием” шигырен сөйләде.
- 28.04.2015 ГТО нормаларнын тапшыруның язгы сессиясе дәвам итә. Укучылар кайбер нормаларны тапшырып өлгерде дә инде. Ә йөзү буенча әлегә хәзерлек эшләре бара.
-
28.04.2015
Бүген мәктәпкә Кайбыч сәнгать мәктәбенә йөрүче укучылар һәм аларның укытучылары килеп концерт куйдылар. Концертта катнашучылар музыкаль инструментларда уйнадылар, төрле җырлар башкардылар. Катнашучылар арасында үзебезнең мәктәптә укучы Шәрәфиев Айдар, Гарипов Ринат, Саттаров Айназ һәм Хикмәтуллина Кадрияне күрү, аларны тыңлау- безнең өчен горурлык. Иҗади уңышлар сезгә, яшь артистларыбыз!
-
Котлыйбыз!
27.04.2015
25 нче апрель көнне милли спорт көрәше буенча Николай Фомин истәлегенә укучылар арасында Кайбыч районы Турниры булды. Бу турнирда Динар Гатауллин җитәкчелегендәге командабыз почётлы 3 нче урынга лаек булды. Шәхси беренчелектә 25 кг га кадәр үлчәү категориясендә 2 нче сыйныф укучысы Гарифуллин Риназ 3 нче урын, 30 кг га кадәр үлчәү категориясендә Насретдинов Алмаз 3 нче урын, 50 кг га кадәр үлчәү категориясендә Фәйзуллин Нәфкать 2 нче урын, 60 кг га кадәр үлчәү категориясендә Насретдинов Динар 3 нче урыннарны яуладылар. Афәрин!