Экология һәм әйләнә - тирә мохитны саклау елы уңаеннан мәктәбебездә "Җир көне" исеме астында сыйныф сәгатьләре үткәрелде. Укучылар Җирне, суны, кошларны сакларга, агачлар утыртырга кирәклеге турында сөйләштеләр.

Без бергәләп районыбыз Кайбычның туган көнен билгелә үттек.Китапханәче Фәридә Касим кызы районыбыз җитәкчесе Альберт Илгизәр улы,"Кайбыч таңнары" газетасы,районыбызның күренекле кешеләре белән таныштырды.

Ераклардан балкый безнең Кайбыч

Кайтыр юлларыма мин чыккач.

Шатландык без сабый балалардай,

Язларда син кабат оешкач.

Мәктәбебез белән бергәләп өмәгә чыктык.Тирә- юньнең чисталыгы безнең кулда.Кул пычпранса,су белән юарсың.Су пычранса,нәрсә белән юарсың?

Кояш чыкса-тбигать яңара,китап укысаң-күңелең агара.Мәктәбебездз китап күргәзмәсен тулыландырып,яңартып торабыз.Ә хәзер анда Г.Тукай китаплары урын алды.

Балалар спорт ярышларын көтеп алалар.Бүген дә мәктәбебездә, дәресләрдән соң , теннис ярышлары булып узды.Сәламәт тәндә-сәламәт акыл.

Каникул чорында барлык түгәрәкләр дә расписание нигезендә үз эшчәнлекләрен дәвам иттеләр. Түгәрәккә йөрүче һәр бала ул көннәрне көтеп ала. Чөнки балалар түгәрәкләргә теләп йөриләр, анда шөгыльләнү аларга файдалы һәм кызыклы.

Каникулның беренче көннәрендә үк 9,11 сыйныф укучылары өчен консультацияләр графигы төзелде. Имтихан тапшыручы укучыларыбыз мәктәпкә эзне суытмадылар. Укучыларның һәм укытучыларның бу хезмәтләре юкка булмасын иде.

8 нче апрель көнне Чүти урта мәктәбендә укытучылар утырышы узды. Әлеге утырышта хезмәт килешүләрен  тутырдык.

Язгы каникул көннәрендә дә ФОРПОСТ отряды членнары урамда, су буйларында, җәмәгать  урыннарында дежур торалар.

Каникул көннәрендә дә тимурчыларыбыз ялгыз яшәүче өлкәннәр янына барып хәлләрен беләләр, өй эшләрендә ярдәм итәләр.