Салкын, саф һава,

Йомшак кар ява.

Урамга чыксаң,

Битләр кызара.

Кар бөртекләре

Өстеңә куна,

Үзләре матур

Һәм салкын була.

Балалар бакчасында тәрбияләнүче нәни кызыбызны "Кояшлы балачак" бәйгесендә катнашып диплом белән бүләкләнүе белән котлыйбыз! "Тылсымлы куллар"  журналы редакциясе исеменнән тәрбияче Гөлназ Рушановнага, әти-әниләренә бик зур рәхмәтебезне  белдерәбез.

Бакчабызга Чүти аылыннан ике  малай килде. Артур белән Тимур балалар белән бик тиз дуслашып киттеләр. Бергәләп уйныйлар, рус һәм татар телендә аралашалар.

Бүген мәдәният йортына балалар өчен цирк килде. Балалар өчен бик күңелле уеннар алып килгәннәр. Нәниләребез уеннарда бик теләп катнаштылар, бүләкләр алдылар. Рәхәтләнеп күңел ачтылар.

Бүген- Әниләр бәйрәме,

Бүген-җирдә тантана

Кояш шуңа көлә бүген,

Гөлләр шуңа шатлана!

 Ана һәм бала! Алар бербөтен, аерылгысыз. Кадерле әниләр! Бу бөтенлек, бергәлек балагыз үскән саен тагын да ныгысын, бер-берегезне бер сүздән, бер караштан аңлап, бәхет-сәгадәттә яшәргә язсын.  Бәйрәмебездә катнашуыгыз өчен барыгызга да бик зур рәхмәт. Сезне тагын бер кат бөтен балалар исеменнән бәйрәм белән котлыйбыз. Без сезне яратабыз!

Бүген Игорекның туган көне. Аңа 6 яшь тулды. Аны туган көне белән котлыйбыз! Исән-сау, матур малай булып үсүен телибез!

Табигать почмагының бизәге-гөлләребез.Ниндиләре генә үсми гөлләрнең.Безнең бакчабызда да балалар  гөлләр үстерәләр. Кызлар гөлләрне үстерү серләренә өйрәнәләр,гөлләрнең тузаннарын сөртәләр,төпләрен йомшарталар

Әйе, кешенең иң зур, иң кыйммәтле байлыгы – сәламәтлек. Озак һәм бәхетле яшисе килгән һәр кеше, иң беренче чиратта, үзенең сәламәтлеге турында кайгыртырга тиеш.

 Сәламәтлек өчен зарядка ясауның әһәмияте зур. Һәркөн иртән зарядка ясарга иренмәскә кирәк. Зарядка ул күңелне күтәрә, тәнгә көч өсти. Иртәнге зарядка,спорт күнегүләре, хәрәкәтле уеннар көчле, нык, сәламәт булып үсәргә ярдәм итә.

    Безнең балалар бакчасында да нәниләребез һәркөн иртән зарядка ясыйлар. Балаларга төрле хайваннар булып йөрү, солдатлар кебек төз, туры, матур атлап йөрү бик ошый.

  “Хәрәкәттә – бәрәкәт” дип борынгылар белми әйтмәгән. Адәм баласы, тугач, бишектә яткан чакта ук хәрәкәтләнә.

Кулларын – аякларын селкетә, әкренләп әйләнә, утыра, йөри башлый. Хәрәкәтләнгән саен ул дөньяны күбрәк таный, буыннары ныгый.

 Грипп вирусы бүген дә кеше тормышына куркыныч тудыручы вирусларның берсе булып кала. Бу йогышлы авыру белән теләсә-кем чирләргә мөмкин, чөнки вирус һава аша сөйләшкәндә, төчкергәндә-йөткергәндә  эләгә. Авырту авыру кеше белән аралашканнан соң санаулы сәгатьләр эчендә йога һәм кисәк кенә тән температурасы 38–40 градуска күтәрелүдән башлана, калтырата, баш авырта, мускуллар сызлый. Авыру йөткерә, хәл бетә. Берәүләр гриппны җиңелчә уздыра, икенчеләр урыннан тора алмый ята.. Чирләү белән генә түгел, грипп төрле ялкынсынулар китереп чыгаруы белән хәтәр.

Табиблар прививка халыкны  грипп йоктырудан саклап кала, дип белдерә. Статистика буенча гриппка каршы ясала торган прививкаларның кешеләргә файдасы бик зур. Соңгы елларда бары тик вакцинация ясату нәтиҗәсендә генә дә  грипп белән авыраучылар саны кимегән.

Сентябрь-октябрь айлары прививка ясау өчен иң кулай вакыт дип санала. Чөнки аның авырудан саклау тәэсире 8-12 көннән, ә иммунитеты төшкән кешеләрдә һәм өлкәннәрдә 1-1,5 айдан башланачак.

Гриппка каршы прививкалар ясалгач, авыруга каршы иммунитет ике атна үтүгә барлыкка килә һәм бер елга тикле грипптан саклый.

Бие,бие, биесәнә,