Бүген, 17 октябрь  көнне Утыз Имән мәктәбендә башлангыч сыйныф укучыларына “Укучының мәдәни көндәлеге”  тапшырылды. Әлеге мәдәни тәрбия һәм белем бирүгә юнәлдерелгән проект узган уку елында старт алган иде. Бу проект нигезендә башлангыч сыйныф укучылары, әти-әниләре  белән   үзләре яшәгән урыннардагы, райондагы музей, театр, китапханә, концерт залларына йөрерләр, башкалабыз Казанның тарихи урыннарына сәяхәт итәрләр. Көндәлек нәниләргә республикабызның тарихи-истәлекле урыннарына, төрле мәдәни чараларга юл күрсәтер һәм рухи байлыкларыбыз белән якыннанрак танышырга ярдәм итәр. Укучыларыбыз, шулай ук, интернет сайтта үткәреләчәк конкурсларда актив катнашырлар дип ышанып калабыз.  Бу проект Татарстан Республикасы  Мәгариф һәм фән министрлыгы ярдәме белән Татарстан Республикасы Мәдәният министрлыгы тарафыннан гамәлгә куелган.