Белем бәйрәме Утыз Имән мәктәбендә тантаналы линейка белән башланып китте. Бәйрәмгә укучылар, укытучылар, әти-әниләр, бик күп кунаклар килгән иде. Укучыларны һәм укытучыларны, әти-әниләрне бәйрәм белән  районыбызның яшьләр эше, спорт  һәм туризм бүлеге мөдире Гатауллин Әнис Рәис улы, Яңа Кади авыл җирлеге башлыгы Әминов Мингәрәй Әхтәм улы, мәктәп директоры Фәттахов Риф Рамиль улы  котлады. Бу бәйрәм тантанасында, мәктәбебездә өч дистә елдан артык директор вазыйфасын башкарган  Замалиев Рөстәм Гаяз улын һәм укыту-тәрбия эшләре буенча мәктәп директоры урынбасары Замалиева Лениза Рөстәм кызын бик зурлап, лаеклы ялга озаттык. Эшләү дәверендә алар- зур хөрмәт яулаган шәхесләр. Алар турында бик күп җылы сүзләр   әйтелде.  Укучыларыбыз чыгышы бәйрәмгә тагын да ямь өстәп җибәрде. Бәйрәм ачык дәресләр белән дәвам итте. Хәерле юл сезгә, кадерле балалар!