Яз җитү белән авыл халкы тирә-юньне чистарту, төзекләндерү эшләренә тотына. Әлбәттә мондый эшләрдән Утыз Имән мәктәбе укучылары да читтә калмый. Чишмә буйларын чистарту кебек изге эшләрдә дә алар беренчеләрдән булып катнашалар. Менә бүген башлангыч сыйныф укучылары һәм укытучылары "Чәчәкле алан" чишмәсенә экологик десант оештырдылар. Чишмә тирәсен чүп-чардан арындырдылар, бераз гына булса да чәчәкләр чәчтеләр. Тагын шунысын да әйтеп китәсе килә, бу чишмә тирәсе Камалов Рәдис Әсхәт улы көче белән гөлбакчага әйләнде. Авыл кешеләренә ял итү өчен монда барлык шартлар да тудырылган. Һәр җәй саен Рәдис Әсхәт улы тырышлыгы белән чишмә тирәсе аллы-гөлле чәчәкләргә күмелә. Шуңа күрә дә авыл халкы аңа зур рәхмәтле.