Кичәне укытучы Максумова Гөлия Инсаф кызы ачып җибәрде. Ул чуваш халкы тарихы, мәдәнияте белән таныштырды , аның сөйләме экрандагы презентация белән бергә үрелеп барды. Укучыларга алдан ук чуваш телендә җырлар, шигырьләр, биюләр өйрәнеп килергә дип әйтелгән иде. Барсы да бик актив рәвештә катнаштылар. Шул хәтле оста итеп шигырьләрен сөйләделәр, җырларын җырладылар һәм матур итеп биеделәр дә. Чуваш халкының милли киемнәрен киеп тә  куйгач,менә дигән чыгышлар булды. Кичәгә кунак итеп Ульяновка һәм Иске Элмәле урта мәктәбе укытучылары Иванова Лидия Владимировна һәм Захарова Галина Вениаминовналар да чакырылган иде. Алар чын күңелдән рәхмәтләрен әйттеләр. Соңыннан, бергәләшеп, фотога да төштек.

         Бу кичә, чын мәгънәсендә, һәркем өчен, кызыклы һәм файдалы булды. Оештыручыларга бик зур рәхмәт .