Бүген 18нче  январь көнне безнең мәктәптә “Ватанны саклаучы  дигән һөнәр бар” дип исемләнгән ачык сыйныф сәгате үткәрелде. Бу чарага үзебезнең элеккеге укучыбыз, хәзерге вакытта Казан югары танк команда училищесында белем алучы Төхфәтуллин Рәмис чакырылган иде. Ул укучыларга хәрби училищега укырга керү тәртибе, уку, яшәү шартлары турында сөйләде.  Казан югары танк команда училищесы турында видеоязма һәм презентация дә күрсәтеп үтте. Укучылар Рәмис абыйларын  бик кызыксынып, игътибар белән тыңладылар. Бу очрашудан соң бәлки кайбер укучыларда хәрби һөнәр сайлау теләге тугандыр.                                                                                                                                                     Без Рәмискә укуында уңышлар, куйган максатларына ирешүен теләп калабыз.