Баланың физик һәм социаль-психологик сәламәтлегенә, нормаль үсешенә аның нинди мохиттә  тәрбияләнүе йогынты ясый. Шул уңайдан, Утыз Имән мәктәбенең дә ял итү зонасы бар. Монда укучылар рәхәтләнеп ял итеп, бер-берсе белән сөйләшеп кенә калмыйча,  төрле физик күнегүләр белән шөгыльләнәләр. Өстәл теннисын да бик ярата укучыларыбыз. Ял итүнең тагын бер төре - динамик тәнәфесләр һәм спорт уеннары. Без, укытучылар санап үтелгән барлык чараларның да уңай йогынтысы бар дип уйлыйбыз, чөнки мәктәптәге шартлар белән белем сыйфаты һәм укучыларның психологик сәламәтлеге бәйле.