Утыз Имән мәктәбендә укыту-тәрбия эшләре әти-әниләр белән тыгыз элемтәдә алып барыла. Авыл мәктәбендә эшләүче һәр укытучы, сыйныф җитәкчесе һәр укучының ата-анасы, гаиләсенең яшәү шартлары белән яхшы таныш.  Гаилә ныклыгын, өлкән буын белән мөнәсәбәтләрне чагылдыручы гаилә бәйрәмнәре традициягә кереп китте. “Әти-әни һәм мин - спорт сөюче гаилә”, “Әниләр көне”, Ватанны саклаучылар көнендә әтиләр белән очрашу, өлкәннәр көнендә әби-бабайлар белән очрашу кичәләре  гаилә белән мәктәп арасында урнашкан элемтәне тагын да ныгыта. Бу атнада  «Халыкара гаилә көне”  уңаеннан 1-6 сыйныф укучылары  “Минем гаиләм” темасына рәсем конкурсында катнаштылар, өлкән сыйныф укучылары шул темага презентацияләр ясадылар, башлангыч сыйныфларда сыйныф сәгате үткәрелде.