Бу көнне музейга Чирмешән балалар бакчаларыннан балалар да килгәннәр иде. Балалар да, уку – чылар да музейда Бөек татар шагыйре Габдулла Тукайның яшәгән елларын, яшәгән урыннарын, иҗади геройларының тормышын чагылдырган күргәзмә белән таныштылар, шул ук вакытта Утызимәнлеләр Габдулла Тукай туган көнгә карата бик матур , эчтәлекле концерт  номерлары күрсәттеләр, сәнгатьле итеп шагыйрьнең шигырьләрен сөйләделәр. Җырчы егетебез Максумов Рәзилнең Тукай сүзләренә язылган “Туган авыл” җырын илһамланып башкаруын барысы да бик яратып тыңладылар. Балалар бакчалары да буш кул белән килмәгәннәр. Алар “Бала белән күбәләк “,

“Малай белән Акбай ” шигырьләренә бик кызыклы сценарийлар күрсәттеләр. Укучылар музейга рәсемнәр дә алып килгәннәр. 1 урын рәссам егетебез Гатауллин Риназда.

Музей хезмәткәре Роза апалары төзегән викторина сорауларына да балалар бик теләп җавап бирделәр.                                  

     Утыз Имән мәктәбе коллективы һәм укучыларның ата – аналары исеменнән бу очрашуны оештыручыларыбыз – музей җитәкчесе Алмаз абый Әгзам улына һәм музей хезмәткәре Роза апага бик зур рәхмәт.