Безнең мәктәп укучылары бик теләп төрле конкурсларда, бәйгеләрдә, олимпиадаларда катнашалар. Күптән түгел генә үткәрелгән "Яңа дәрес" халыкара дистанцион блиц-турнир конкурсында бер төркем укучыларыбыз катнашты. Аларның күбесе җиңүче дипломнарына ия булдылар. Иң актив катнашучылар - 4нче сыйныф укучылары - Юнусова Илүзә, Максумов Рәзил, Әминова Айгөл, математика, рус теле һәм әйләнә-тирә дөнья фәннәре буенча  икешәр призлы урын яуладылар (җитәкчеләре-Миневалиева Минзирә Кадировна). 2нче сыйныф укучысы Миневалиева Илсөяр - математикадан (җитәкчесе - Калимуллина Фәния Гәрәевна). 9нчы сыйныф укучысы Лотфуллин Рәмис - ТИН фәненән, 8нче сыйныф укучысы Вәлиуллина Ильмира - информатикадан, 7нче сыйныф укучысы Төхфәтуллина Гүзәл - биологиядән призлы урыннар алдылар  (җитәкчеләре-Миневалиев Илдар Габдрахманович). Җиңүчеләрне котлыйбыз!