Авылымның чишмәләре.

Челтерәп агып тора.

Чишмә моңнары тарала.

Тауларга куна- куна.

5-6 нчы сыйныф укучылары белән чишмә буйларына сәяхәт ясадык. Тирә- юнен чистарттык, суларын тирәнәйттек. Ләкин эшлисе эшләр күп икән әле- чишмә башларына агачлар утыртасы, төпләрен казып зурайтасы бар чишмәләрнең- дигән фикергә килделәр укучылар.

Хәтернең бер сүзе- мең алтын!

Хәтер ул бик уйчан,

Хәтер ул бик тыйнак

Хәтергә хыянәт итәргә ярамый.

Халкыбыз быел Бөек Җиңүнең 69 еллыгын билгеләп үтте.Авыр сугыш елларының бөтен авырлыгына түзгән халкыбыз. Җиңү өчен көрәш фронтта да, тылда да барган. Аларның батырлыгы алдында баш иябез. Яу кырында башын салган авылдашларыбызны, сугышчоры толларын, сугыш чоры балаларын искә алдык, зурладык бүген.

Урта сыйныф укучылары "Куркынычсыз тәгәрмәч" бәйгесендә катнашырга әзерләнәләр. Уңышлар телибез сезгә!

Бүген мәктәптә беренче язгы өмә узды. Мәктәп территориясен чүп- чардан чистарту белән кечкенә һәм урта сыйныф укучылары шөгыльләнсә, югары сыйныф укучылары тупыл агачларын мутадылар. Яңгырга кадәр территориябез чистарынып калган иде инде. Һәр укучы үзенә тапшырылган эшне энтузиазм белән бик теләп башкарды, шуңа күрә эшнең нәтиҗәсе күз алдында.

Туган тел айлыгын йомгаклап, музыка укытучысы Гыйльфанова Наҗия Солтан кызы җитәкчелегендә "Тукай һәм музыка" дип исемләнгән кичә узды. Тукай сүзләренә язылган җырлар, симфоник әсәрләр тыңланды, җырланды. Бик күп яңа мәгълүматлар белән таныштык.Кичә "Туган тел" җырын башкарып тәмамланды.

9 нчы сыйныф укучылары татар теленнән имтихан тапшырды. Быел бу төр сынаулар 5 нче номерлы мәктәптә уздырылды. Нәтиҗәләрне көтәбез.

Зур җаваплылык хисе белән үтте мәктәптә район балалар думасына сайлаулар. Депутатлыкка кандидат итеп мәктәп активисты, яхшы укучы 10 нчы сыйныф укучысы Латыйпов Айдар, район һәм республика бәйгеләрендә призлы урыннар яулаган үрнәк кызыбыз Кашапова Инзилә, бик тырыш, җаваплы 9 нчы сыйныф укучысы Сейт- Ваапов Булатлар күрсәтелгән иде.

Югары сыйныф укучылары "Мәшгүльлек үзәге"хезмәткәрләре белән очрашып үзләре өчен кирәкле һәм кызыклы мәгълүматлар алдылар. Очрашуны оештыручылар безгә якын тирәлектә урнашкан уку йортлары, анда укырга керү тәртипләре белән укучыларны бик тәфсилләп таныштырдылар.

Мәктәптә район балалар думасына сайлауларга соңгы әзерлек эшләре бара. Сайлау комиссиясе әгъзалары кызу эштә.

Башлангыч сыйныф укучылары туган якны өйрәнү музеена культпоход оештырды. Музейда укучылар авылыбыз тарихы белән танышып, авылдашларыбызның яшәү- көнкүреш рәвешләрен, гореф- гадәтләренкүзалларга мөмкинлек алдылар. Үткәнебезгә сәяхәт бик мавыктыргыч булды.