Белүебезчә, киләчәгебез без тәрбияләүче балалар кулында. Укучыларыбызның киләчәктә дөрес хезмәт юлы сайлавы да бик мөһим. Яраткан хезмәт- ул бит бәхетнең бер билгесе. Шуңа күрә, укчыларга хезмәт юлы сайлау мәсьәләсендә зурларның да киңәше, ярдәме кирәк. Шул уңайдан бүген мәктәбебезнең югары сыйныф укучылары белән мәшгульлек үзәге вәкилләре очрашты. Анкетирование, тестирование үткәреп балаларга ярдәм кулы сузарга әзер икәнлекләрен белдерделәр алар.

Мәктәптә, инде традициягә әйләнгән,  Корбан бәйрәме үтте. Корбан чалган авылдашларыбыз күбесе корбан итеннән мәктәп укучыларына да өлеш чыгара. Авылның мөхтәрәм картлары белән бергә,  матур сүзләр сөйләшеп, татлы ризыклар белән сыйланып, белгән догаларны укып, үтә бу бәйрәм. Аллаһ Тәгалә җир йөзенә тынычлык, һәммәбезгә сәламәтлек, бәхет, шатлык бирсә иде.

5 октябрь- Халыкара укытучылар көне. Бик күп һөнәр ияләре бәйрәмнәрен белмибез дә, белгәннәрен дә- онытыла. Ләкин Укытучылар көне- онытылмый торган бәйрәм.Чөнки һәркем укучы булган, һәркемнең укытучысы бар. Шушы хөрмәтле кешеләребезне зурлап үттек быел да. Укучылары белән бергә укытучылар да җырлады, биеде, уйнады бу бәйрәмдә. 

Өлкәннәрне күрсәм уйга калам,

Гомерләрнең көзе мул диеп.

Көзләрдә дә язлар китерерлек

 Бирсен иде Ходай көч, диеп- дигән сүзләр белән башланып китте ветеран укытучылар белән очрашу кичәсе. Матур әңгәмә, күңелле концерт номерларыннан соң бәйрәм табын өстәле янында дәвам итте.

Ата- аналар җыелышы түбәндәге көн тәртибе буенча үтте:

1. Вәлиева З.Р  "Авыл мәктәбендә уку һәм тәрбия эше" дигән темага доклад укыды.

2. Мәктәпнең эчке кагыйдә нормаларының үтәлеше.

3.Бәхәсле мәсьәләләрне хәл итү комитетын сайлау.

4. Төрлеләр.

Мәктәптә "Юлда куркынычсызлык кагыйдәләре" дәресләре үтте. Башлангыч сыйныфларда "Без - яшь җәяү йөрүчеләр" дәресендә укучылар юл билгеләре белән танышуны дәвам иттеләр. 5-7 сыйныфларда "Доктор киңәшләре дәресләре" исеме астына занятиене ФАП хезмәткәре Тахавиева Г. һәм биология укытучысы Рашитова Р.З үткәрделәр. Балалар күңелсезлеккә очраганда беренче ярдәм күрсәтү ысуллары белән таныштылар.

ФАП җитәкчесе Тахавиева Г катнашында "Грипп авыруының профилактикасы" темасы буенча әңгәмә үткәрелде. Соңыннан 5-11 нче сыйныф укучыларына гриппка каршы  вакцинация үткәрелде.

"Кул эшләре" кружогы әгъзалары бүген бәйләнгән киемнәрне бизәү эше белән шөгыльләнделәр.

Мәктәптә "чисталык көне" үтте. Мәктәп территориясен чүп- чардан чистарттык, ФАП җитәкчесе Тахавиева Г катнашында "Чисталык- сәламәтлекнең нигезе" темасына класс сәгате үткәрелде. Һәрбер кабинетта генераль җыештыру уздырылды.

Укучылар коллективы Советы утырышы узды. Эш тәртибе:

1)Узган елгы эшкә отчет.

2)Укучылар Советы активын сайлау.

3)2014-15 уку елына эш планы кабул итү.

Укучылар коллективы Советы рәисе итеп Латыйпов А.А сайланды.