Авыл советының яшь бухгалтеры Вәлиева А.А катнашында 9-11 сыйныфлары белән финанс грамоталылыгы  дәресе үткәрелде. Хәзерге чорда акча, аның кыйммәте, финанс һәм экономия серләре белән таныштырды чакырылган кунагыбыз.

Беслан вакыйгаларына багышланган "Без сезне хәтерлибез" исеме астында класс сәгате үткәрелде. Дәресне тарих укытучысы Канипов Р.Ә үткәрде. 5-11 сыйныф укучылары һәм укытучылар катнашты.

Туган җирнең һәрбер почмагында

Каршылыйлар Белем бәйрәмен.

Яңгырый сабыйларның шат авазы

Кулларында чәчәк бәйләме.

Яңа уку елы Белем бәйрәме белән башланды. Бәйрәм белән котлау сүзләрен район башкарма комитеты вәкиле Илвир Альбертович, авыл советы рәисе Зайрулла Хайруллович әйттеләр, укучыларга һәм укытучыларга уңышлар теләделәр.Беренче сыйныфка быел 2 кыз һәм 2 малай килде. Нәни укучыларга һәм аларның укытучылары Зилә Рашитовнаны Буратино һәм 11 сыйныф укучылары да бәйрәм белән котладылар. Яңа уку елының беренче кыңгыравын яңгырату хокукы 11 нче сыйныф укучысы Латыйпов А һәм 1 нче сыйныф укучысы Арсланова А.га тапшырылды.

Тантаналы линейкадан соң "Минем кечкенә Ватаным" дип аталган тематик сыйныф сәгате узды. Дәрестә мәктәпнең барлык укытучылары, укучылары, ветеран укытучы Шияпова С.Г катнаштылар. 

Абдуллина Ә.В Шалты мәктәбенең беренче укытучысы Идиятуллин Мөхитулланың мәктәп музеена тәбрик иткән "Истәлекләр дәфтәре" белән таныштырды. Саимә Гатаулла кызы мәктәптә 43 ел башлангыч сыйныфларда укыткан. Шул еллар эчендә мәктәптәге үзгәрешләр , үзе эшләгән елларда мәктәп тормышы турында сөйләде.Бик кызыксынып тыңлаган укучыларның сорауларына тулы һәм аңлаешлы җаваплар бирде.

9 нчы һәм 2 нче сыйныф укучылары арасында "Күңелле ярышлар" дип исемләнгән спорт чарасы үткәрелде. 2 командага бүленеп, укучылар йөгереп һәм сикереп җитезлектә, турникта төрле күнегүләр эшләп көчлелектә, уеннар вакытынды сизгерлектә һәм тапкырлыкта узыштылар. Дуслык җиңде!

Барлык мероприятиеләр узгач, "Балалар куркынычсызлыгы" айлыгы кысаларында практик күнегүләр уздырылды. "Игътибар, пожар" сигналына эвакуация 2,25 минут эчендә узды.Куркынычсызлык укуларында мәктәпнең барлык укучы, укытучылар, техник персонал катнашты.

Имтиханнар инде артта калды,

Җыелыштык бүген бәйрәмгә.

Һәркем тоя үзен әзер итеп

Таулар, диңгезләрне кичәргә.

Бүген безнең 11 сыйныф укучылары укыган мәктәпләрендә уздырыла торган соңгы бәйрәмнәренә җыелдылар. Быел, башка еллардан аермалы буларак, бу бәйрәмгә ике сыйныф укучылары, 9 һәм 11 сыйныфлар килде. Кулларына өлгергәнлек аттестатлары алган балаларны котлап, ата- аналар , килгән кунаклар аларга матур теләкләр җиткерделәр.

Өлкән сыйныф укучылары белән хезмәт десанты үткәрелде.

"Без наркотикларга каршы" дигән темага мәдәният хезмәткәрләре тарафыннан тематик дискотека үткәрелде.

"Мәктәбеңә ярдәм ит" дигән акция дәвам ит.