Кыңгыраулар сабан туйларында

Сайрасыннар иде дугаларда.

Бабайлардан калган моң аларда.

Әтиләрдән калган моң аларда.

Затлы милли бәйрәмебез сабан туе чынлыкта, элек-электән 2 көн буе дәвам иткән. Беренче көнне авыл яшьләре, бала- чагалар авыл өстен уен-көлке, җыр- музыка белән тутырып  яулык, йомырка җыйган, ә икенче көнне инде- сабан туе. Беренче көнне яшьләр һәр йортка кереп илгә, һәрбер өйгә иминлек, тынычлык теләгәннәр, мул уңышлы еллар килүен теләп авылдашларының күңелләрен күргәннәр. 30.05 көнне безнең авылда да, мәктәп укучылары катнашында, шундый тамаша узды.

"Ата-аналарның хаталары һәм ялгышлары" дигән темага ата- аналар җыелышы үткәрелде.

Укытучылары Набиуллин И.С җитәкчелегендә 10 нчы сыйныф егетләре сугышчан җыенда катнаштылар. Алдан зур әзерлек үткән 2 егетебез бу бәйгедән 4 диплом белән кайттылар. "Аз гына да. чос кына" шул безнең егетләр. Әфарин аларга.

Гөрләп узды мәктәп елларыбыз

Бик тиз җитте аның азагы.

Бүген безнең бәгырьләрне өзә

Кыңгырауның соңгы авазы.

Шалты мәктәбе тагын үзенең 4 укучысына олы тормыш юлына фатихасын бирде. Йөгерү буенча республика һәм Россия күләмендә призлы урыннар яулаган мәктәбебез горурлыгы Садыйков Нияз, район һәм республика буенча үткәрелгән шигырь укучылар бәйгеләрендә призлы урыннар алган чибәр кызыбыз Кашапова Ләйсәнәләр бар алар арасында.

"Ватаныбыз язмышы- ышанычлы кулларда" дигән темага 5-10 нчы сыйныф укучылары белән әңгәмә үткәрелде. ОБЖ укытучысы Набиуллин И.С укучыларга, бигрәк тә булачак солдатларга, сәламәт яшәү рәвеше алып баруның зарурлыгы турында бик үтемле чыгыш ясады.

"Сөйкемле Шүрәле" исеме астында үткәрелгән Бөтенрәсәй иҗади эшләр бәйгесендә мәктәбебез укучылары актив катнашты, күп эшләр арасыннан иң яхшылары гына бәйгегә тәкъдим ителде. Эшләр Баулы мәгариф бүлеге грамоталарына лаек булды.

Сәламәтлек- кешенең иң зур байлыгы. Югалган сәламәтлекне кайтару бик авыр. Бозык тормыш рәвеше алып бару- сәламәтлеккә хыянәт итүнең беренче билгесе. Шуны аңлап, мәктәбебездә күптөрле спорт чаралары әледән-әле үткәрелеп тора. 17 майда Кандыз авылында 3 авылның егетләре футбол буенча иптәшләрчә очрашу үткәрде. Егетләребез икенче урынны яулады. Әфарин аларга.

"Язның бер көне ел туйдыра" ди татар халык мәкале. Бүген дәресләрдән соң  мәктәпнең һәр укучысы мәктәп бакчасына ашыкты. Бүген монда кызу эш барды: кемнәрдер бәрәңге утыртты, кемнәрдер кишер, чөгендер орлыклары сипте, хәтта беренче сыйныф укучылары да эшсез калмады. Чүпләрен утап, суларсибеп торсак, көзгә подвалыбыз кышлык запас белән тулар.

"Түгәрәк өстәл янында сөйләшү" дип аталган 8-9 нчы сыйныф укучылары белән үткәрелгән эшлекле уенда Баулы районының табигате һәм аңа кешеләрнең карашы турында сүз барды.