Укытучылар һәм укучы яшьләр өчен татар телендә чыгарыла торган “Мәгърифәт” атналык газетасының бүген туган көне. Туган көне генә дә түгел - юбилее. Аның беренче саны 1991 елның 15 февралендә дөнья күргән. Ул көннәрдән бирле укучыларга инде 992 сан барып ирешә алган.

“Мәгърифәт” – республиканың иҗтимагый-сәяси тормышы хакында төгәл мәгълүмат биреп кенә калмыйча, мәгариф учреждениеләре проблемаларын киң яктырта, мәгариф системасын реформалаштыру буенча республика һәм бөтенроссия программалары турында фикер алышуга чакыра, яшь буынны укыту һәм тәрбия процесслраын ачып бирә, алдынгы укытучылар, фән эшлеклеләре тәҗрибәсе белән уртаклаша, укучыларны укыту өлкәсендәге яңа инновацион программалар, алдынгы технология һәи методология белән таныштырып бара.

Академик Әнвәр Хуҗиәхмәтовның татар мәгърифәтчеләре турында язмалар циклы, язучы Фәнзаман Батталның туган тел проблемаларын ачкан мәкаләләре, Туфан Миңнуллинның милләтнең әхлакый кыйммәтләрен яктырткан хикәятләре укучыларда аеруча зур кызыксыну тудыра. 3 айга бер газета битләрендә Татарстан халыклары телләре турындагы законның үтәлеше проблемаларын үз эченә алган “Әткәм-әнкәмнең теле” кушымтасы басыла. Конкурслар да даими уздырыла. 2010 – Укытучы елы уңаеннан “Җылы сүз җан эретә” бәйгесе шулкадәр популярлык казана ки, аны быел да дәвам итәргә туры килгән. Яшь математиклар “Мөстәкыймовлар олимпиадасы”нда бик теләп катнаша. Фатих Кәрим, Абдулла Алишка багышланган бәйгеләрне Тукайның 125 еллыгына багышланган конкурс алмаштырды. “Без кабызган утлар” сәхифәсендә энергетиклар төрле бәйгеләрне даими үткәреп килә.

"Белем.ру" колективы, Субаш урта гомуми белем мәктәбе  “Мәгърифәт” газетасы хезмәткәрләрен, аларның укучыларын әлеге бәйрәме белән тәбрик итә. Укыгыз, мәгърифәтле булыгыз!

18.02.2011 көнне Субаш урта гомуми белем мәктәбендә әти-әниләр университеты була. Әти-әниләр белән очрашуга район социаль яклау бүлегеннән Әхмәдиева Г.А., Шакирова Рәйханә апа, ПДН Шакирова Л.М., участок вәкиле Николаев Ю.И., район сәламәтлек саклау бүлегеннән вәкил, үзебезнең шәфкать туташлары чакырулы.

Районда  "Ел укытучысы" конкурсы дәвам итә. Субаш урта гомуми белем мәктәбеннән югары категорияле ТИН укытучысы Закиров Фәрит Мәсхүт улы катнаша. Аның беренче туры тәмамланды,  укытучыбыз икенче турга үтте. Алда мастер - класс бирү. Фәрит Мәсхүтович, сезнең 3 турга да үтүегезне тели Субаш мәктәбе коллективы. Уңышлар сезгә!

12 февраль - Россиядә чаңгы көне, ягъни "Лыжня России- 2011" көне. Шунлыктан Субаш мәктәбендә дә бүген чаңгычылар бәйрәме. Көннең шактый салкынча булуына да карамастан, һәркем чаңгыда. Мәктәп яны чаңгы трассасы балалар тавышыннан яңгырап тора, укытучылар да, хезмәткәрләр дә алардан калышмый, һәркайсы үзенең көчен сынап карый.

Субаш мәктәбе 1 нче сыйныф укучыларының  шатлыклы көннәре иде, чөнки алар зур җиңү яуладылар - Әлифбаны тәмамладылар. Аларның шатлыгы белән уртаклашырга әти-әниләр, әби-бабайлар да килгән иде. 3 сәг. сузылган бәйрәм эчендә укучылар үзләренең белгәннәре белән уртаклаштылар, җырладылар, биеделәр, рәхмәтләр әйттеләр, аларга әти - әниләр дә җавапсыз калмадылар. Укучылар алга таба да зур уңышларга ирешсеннәр дигән теләктә калдылар.

Субаш урта гомуми белем мәктәбе коллективы авылдашларын тагын таң калдырды. Алар Х.Вахитнең "Ике килен килендәш" комедиясен сәхнәгә куйды. Тамашачы тын да алмый геройлар белән бергә шаярды,көлде, уйланды, киләчәген күз алдына китерде. Моңарчы Фәезов Хәлил, Фәезова Эльмира, Васильева Гөлназ, Нурмухаметова Фирдия, Фролов Азат, Петрова Гөлназларның осталыгына сокланган тамашачы Закиров Фәрит, Николаев Илнур, Алексеева Нәзирә, Фролова Ризида, Гайнетдинов  Илдарларның янәдән сәхнәгә менүенә сөенде, Фаязов Ленар, укучы Гыйлмуллин Салаватларга уңыш теләде.

Педсовет үткәрүнең яңа формаларын кертү уңаенннан, 28 нче гыйнварда Субаш урта гомуми белем мәктәбендә педсовет утырышы булды.

Көн тәртибенә түбәндәге темалар куелды:

1. Мәктәптә сыйныфтан тыш эшчәнлекнең барышы;

2. Беренче яртыьеллык нәтиҗәләренә йомгак. 

Беренче көн тәртибе буенча барлык сыйныфтан тыш үтә торган түгәрәк җитәкчеләре:

1.           Туган якны өйрәнү.  Николаев Илнур Илгизович

4.           Төз ату.Закиров  Фәрит Масхудович

7.           Кул көрәше. Гайнетдинов Фагыйл Фәләхетдинович (спорт мәктәбе)

информацион технологияләр ярдәмендә мастер-класслар күрсәттеләр.

Икенче көн тәртибе буенча беренче яртыьеллыкка анализны директор урынбасары Габитова С.И. ясады.

Субаш урта гомуми белем мәктәбендә район укучыларның Тукай призына кул көрәше үтте. 1995 нче елгы һәм аннан да яшьрәк130лап укучы арасында кискен көрәш барды. Командалар арасында Субаш мәктәбе 1урын,  Куныр мәктәбе 2 урын, Карадуган мәктәбе 3 урын яуладылар. Шәхси беренчелеккә килгәндә, кызлар арасында 40кг. авырлыкта Кунырдан Хафизова, 45 кг. авырлыкта Нөнәгәрдән Камалова ,50 кг. авырлыкта Кунырдан Дәүләтшина, 55 кг.авырлыкта Субаштан Федорова,60кг авырлыкта Гафурҗанова, 70кг. авырлыкта Көшкәтбаштан Фәйзрахманова, 70кг.дан югары авырлыкта Һадыева, егетләрдән 1 урын    45кг авырлыкта Субаштан Гайнетдинов , 50кг авырлыкта Кунырдан Закиров , 55кг авырлыкта Чепьядан Копаров, 60кг. авырлыкта Субаштан Муллагалиев, 65кг.авырлыкта Карадуганнан Миннебаев, 70 кг. авырлыкта Карадуганнан Габбасов, 70 кг.дан югары Кунырдан Ефримов   яулады.  Ярышта җиңү яулаган һәркем ДЮСШның Мактау кәгазьләренә ия булды.

Субаш урта гомуми белем мэктэбе укучысы Хакимзянов Ранил (укытучысы Фаязов Ленар Ахметович)  технология фэненнэн Казанда уздырылган республика олмпиадасында призер булды. Мэктэп коллективы аларны бу зур жинулэре белэн котлый, янадан яна унышлар тели. Афэрин, егетлэр, булдырдыгыз.

15.01.2011 көнне 5-7 класс кыз-егетләре арасында хоккей ярышлары булып үтте. Ярышлар бик киеренке барды. Өлкән хөкемдар Фагыйль Гайнетдинов белән аның ярдәмчесе Петров Илнарлар командаларга карата бик гадел булдылар. Кызлар арасында беренчелек 5ләр кулында булды, ә егетләрдән 7челәр иң өлгерләрдән булып танылды. Һәр команданың аерым көч биреп торучылары бар иде, аларга класс җитәкчеләре дә ( Петрова Г.Н., Нурмухаметова Ф.Н., Закиров Ф.М.) кушылды. Егет-кызларга афәрин генә диясе кала.