Субаш урта мәктәбендә  технология укытучыларының  семинары булып узды. 1 нче категорияле технология укытучысы Фәезова Э.М. 11нче сыйныфларда “Профессиональ карьераны планлаштыруда ArCon программасын куллану” темасына ачык дәрес үткәрде. Технология укытучыларына КОПАС-3D программасын кулланып, “Заманча күзлектән карап...” дип исемләнгән мастер-класс күрсәтте. Әниләр көне уңаеннан әзерләнгән концертны да технология укытучылары бик җылы кабул итте. Әлеге чараларга кунаклар югары бәя бирде.

      1 нче класста  әти-әниләр өчен “Ачык ишекләр көне” булды. Укытучы Антонова Н. Г. әдәби укудан ачык дәрес һәм Әниләргә багышланган кичә-ярыш үткәрде. Әти-әниләр бик канәгать булдылар.

   Әниләрне хөрмәтләп бәйрәм концерты һәм чәй табыны оештырылды.

Хөрмәтле, иң кадерле, иң якын,  иң бөек ихтирамга лаек булган кешеләребез – Әниләр! Кадерлеләребез! Сезне бәйрәм уңаеннан кайнар котлыйбыз. Барыгызга да озын гомер, ныклы сәламәтлек, матур тормыш, бәхетле көннәр телибез.

    3 нче класслар юлда йөрү буенча башлангыч классларга  бик матур ачык чара күрсәттеләр. Чарада  полициянең участок вәкиле  полиция подполковнигы Николаев Ю.И., полициянең балигъ булмаган  балалар белән эшләү  инспекторы полиция капитаны Шакирова Л.М., Балтач районы юл куркынычсызлыгы фонды  җитәкчесе Һадиева Л.М. катнашты.

Ноябрь башында Субаш урта мәктәбенең бер төркем укытучылары Марий Эл республикасының Сәрдәял төп гомуми белем мәктәбендә  “  ФГОС таләпләренә туры килерлек итеп  укучыларның иҗади үсешендә  проект-эзләнү методы” дигән  регионара  фәнни-практик семинарда катнашты. Анда ачык дәресләр,проект-эзләнү эшләре, чишмә ачу тантанасы булды. Түгәрәк өстәлдә, килгән кунаклар белән тәҗрибә уртаклашуда, безнең  укытучылар да чыгыш ясады. Бигрәк тә, яшь укытучы Хөснетдинов Азат Альбертович чыгышы кунакларны уйланырга мәҗбүр итте. Мондый аралашулар берничә ел рәттән дәвам итә инде.

23 нче ноябрь көнне 9 нчы сыйныфта рус теле һәм математика фәннәреннән , 24 нче ноябрь 6 нчы сыйныфта сынлы сәнгать, рус әдәбияты фәннәреннән әти-әниләр өчен ачык дәресләр үткәрелде. Дәресләр җанлы, кызыклы үтте. Әти-әниләр  дәресләрдән, укыту процессыннан канәгать калды. Соңыннан һәр әти-әни үзе кызыксынган сорауга җавап ала алды.

Бүген мәктәбебездә Субаш, Сосна һәм Урта Көшкәт мәктәпләренең баскетбол командалары арасында ярышлар булып узды. Кызлар командалары арасында Сосна мәктәбе беренчелекне алса, егетләр арасында Субаш урта мәктәбе егетләренә тиңнәр булмады.

18 нче ноябрь көнне 5 нче сыйныфта, мәктәпкә ияләшү  чорын күзәтү уӊаеннан, табигать белеме һәм татар теле фәннәреннән «Ачык ишекләр» көне үткәрелде. Дәресләрдә  5 нче сыйныфларныӊ әти-әниләре катнашты. Ике дәрескә дә әти-әниләр югары бәя бирде. Укытучылар Заһидуллина Г.Ф., Васильева Г.Ф лар укучылар белән уртак тел табып эшлиләр. Югары сыйныфта укыткан   укытучыларга ияләнгәннәр.

Кул көрәше ярышларында җиңүләр яулаучы укучыларыбыз тренерлары Гайнетдинов Ф.Ф. белән.