Күренекле мәгърифәтче, галим Ибраһим Хәлфин исемендәге X  Республика фәнни – гамәли укучылар конференциясендә Бөек Ватан сугышында катнашкан язучылар иҗаты турында иң яхшы компьютер презентация  бәйгесендә  8 нче сыйныф укучысы Васильева Гөлинә ( җитәкчесе - Васильева Г.Ф.) райондаш шагыйребез Хәбра Рахманга багышланган эше белән III дәрәҗә Диплом белән бүләкләнде.

4 нче сыйныф укучылары белән “Муса Җәлил – герой-шагыйрь” темасына сыйныф сәгате үткәрелде. Укучылар Муса Җәлилнең шигырьләрен сөйләделәр.

Балтач үзәк балалар китапханәсендә “Җирдә тынычлык хакына” темасына нәфис сүз осталары бәйгесе узды. Анда 4 нче сыйныф укучысы Николаев Вилдан катнашты.

09.02.15 көнне мәктәбебездә "Тәрбия бирүдә яңа технологияләр куллану" темасына педсовет үтте. 

3 нче сыйныфта сугыш чоры балалары белән очрашу булды. Әби – бабайлар балалар белән очрашуга бик теләп килделәр. Үзләренең хатирәләре белән уртаклаштылар. Алар сөйләгәндә,  балаларның күзләреннән дә яшьләр килде. Дөрестән дә, алар язмышына бик авыр чор туры килгән. Әби – бабайлар балаларның сорауларына бик теләп җаваплар бирделәр. Очрашу истә калырлык эчтәлекле булып узды.

 "Җиңү язын каршылап" проекты буенча үткәрелә торган «Хәтер мәңгелек» акциясе кысаларында һәйкәл янын җыештыру эшләре һәр атна дәвамында  оештырыла. Бу атнада  әлеге акцияда 5 сыйныф укучылары катнашты.

Башлангыч сыйныф укытучысы Васильева Гөлназ Фазыл кызы Яңгул урта мәктәбенең 4нче сыйныфында “Батырлык” темасына эчтәлекле тәрбия дәресе уздырды һәм үзенең эш тәҗрибәсе белән уртаклашты. Аңа уңышлар теләп калабыз.

9 нчы февраль көнне психолог-логопед Кәбирова Ленуза Нәсиховна 4 нче сыйныф укучылары белән очрашты. Ул укучылар белән тренинглар үткәрде.

“Лыжня Татарстана-2015” кысаларында үткән ярышта 88-укучы, 29 хезмәткәр һәм укытучы катнашты.

Фәезова Эльмира Мисаеловна Бөек Җиңүнең 70 еллыгы кысаларында 7 нче сыйныф укучыларына, “Ленинград блокадасы өзелүгә 71 ел” дигән презентация  белән тәрбия сәгате үткәрде.