Бөек  Җиңүнең  70 еллыгына багышлап мәктәптә “Һәйкәлләр макеты”  конкурсы игълан ителде.8 нче сыйныфлар зур  тырышлыкларын куеп “Беркем дә онытылмады, бернәрсә дә онытылмады!” дигән исем астында һәйкәл макеты ясадылар.

Бөек Җиңүнең 70 еллыгы уңаеннан, Чепья мәдәният йортында узган Җирле үзидарәләр арасындагы  “Җиңүне җырлап каршылыйбыз” конкурсында Субаш төп мәктәбе коллективы уңышлы чыгыш ясады.

6 нчы сыйныф укучылары Ленар Ахметович ярдәме белән  Бөек Җиңүгә багышланган композиция ясадылар. Һәр укучы бу эшне бик теләп башкарды.

3 нче сыйныф укучылары Бөек Җиңүнең 70 еллыгына  карата “Дан сиңа, халкым улы!” дип аталган сыйныф почмагын кулдан эшләнгән макетлар ясап  баеттылар.

       Бөек Ватан сугышының дәһшәтле еллары ерагая барса да, кешеләр күңелендәге җәрәхәтләр, яралар төзәлми. Бөек Җиңүнең 70 еллыгы уңаеннан,  сугышта катнашкан әби-бабайларыбыз турында мәгълүматлар туплауны дәвам итәбез.

      Бүген без – 9 сыйныф укучылары , рәхимсез сугыш кырларында ятып калган, яшьлек еллары авыр  сугыш елларына туры килгән ,  ләкин гомерләре буе кешелекле , мәрхәмәтле булып калган , иң матур яшьлек елларында  бөтен көчләрен , сәламәтлекләрен  җиңүне якынайтуга биргән әби-бабаларыбыз күргән авырлыклар турында фикер алыштык.   

               Күпләр башын салды изге яуда,

               Кайталмады туган ягына.

               Теләсә дә аяк баса алмады

               Җиңүдән соң тормыш язына.

               Күрәлмады кабат туган йортын,

               Якыннарын , газиз баласын.

               Һәлак булды , яклап геройларча

<span times="" new="" roman',="" serif;="" font-size:="" 12pt;"="">               Туган җирен , Ватан- ананы.

Башлангыч сыйныф укучылары “Җиңү паркы” макетлары ясадылар. Алар бу эшне күмәкләп эшләде. Бик матур макетлар килеп чыкты.

      “Җиңү дәресе” кысаларында,сугыш китергән хәсрәт-михнәт дәрьясын соңгы тамчысына кадәр эчеп ,өсләренә ишелгән бөтен авырлыкларга чыдап-түзеп, ил-көн өчен сәламәтлекләрен, яшьлекләрен, бәхетләрен корбан итеп, ул елларның авыр йөген җигелеп тарткан сугыш чоры кешеләренә багышлап, "Җиңү дәресләре" үткәрелде.

            Кайтмаганнар уйда сакланалар,

            Җырдай ятланалар кайтмаганнар.

            Сандык төпләрендә өчпочмаклы хатлар

            Куз карасы кебек сакланалар.

Фәезова Эльмира Мисаеловна Бөек Җиңүнең 70 еллыгын каршылап  2 нче сыйныф укучыларына, язучыларга багышланган “Каләмне корал итеп “ дип исемләнгән тәрбия сәгате үткәрде.

Бөек Җиңүнең 70 еллыгы уңаеннан 1 нче сыйныф укучылары Герой пионерлар батырлыгы турында сөйләштеләр.

7 нче апрель көнне мәктәптә “ФДС на башлангычтан төп мәктәпкә күчкәндә килеп туган проблемалар, аларны чишү юллары, нәтиҗәләр” дигән педсовет утырышы булды.Максаты: Дәрес фрагментлары аша, УУГ күрсәтеп,  урта мәктәп сыйныфы укытучыларын ФДС на күчүгә әзерләү.

Көн тәртибе:

1.    - 3 нче чирек нәтиҗәләренә анализ. (Чыгыш ясады: директор урынбасары Габитова С.И)

2. - Дәрестә һәм дәрестән тыш эшчәнлектә УУГ күрсәтү.(Чыгыш ясады: башлангычта укытучылар - Антонова Н.Г, Гильфанова Н.Ф, Фролова Р.В, Алексеева Н.З, Васильева Г.Ф, Закиров Ф.М, Нурмухаметова Ф.Н, Петрова Г.Н)

Фикер алышуларда катнашты: мәгариф идарәсеннән психолог Закирова Г.Н, директор Галиева Р.М, физкультура укытучысы Загидуллин К.Г