9.05.2013. Бөек Җиңү көне.

8 май көнне бөтен мәктәп коллективы белән Бөек Җиңүнең 68 еллыгына багышланган митингка чыктык. 6 сыйныф укучылары матур шигырьләр һәм җырлар белән митингны ачып җибәрделәр. Укучылар сугыш кырында ятып калган сугышчылар истәлегенә чәчәкләр куйдылар. Митингка район вәкилләре дә килеп, чыгыш ясадылар.

11.05.2013. “Дөньякүләм балалар ышаныч телефоны” көне

2009 нчы елдан башлап һәр елның 17 май көнендә 8–800–2000–122 номерлы “Дөньякүләм балалар ышаныч телефоны” көне билгеләнеп үтелә. Нәрсә соң ул – “ышаныч телефоны”? Бу психологик ярдәмгә мохтаҗ булган кешеләргә ярдәмнең бер төре. Һәрбер кешенең күңелендә авыртойгылар, күңелсез хис – кичерешләр булырга мөмкин. Яныңда ышанычлы дустың булганда, борчу – кайгыларыңны аның белән уртаклашырга була. Безнең районыбызда да “Наз” халыкка социаль ярдәм күрсәтү үзәгендә мондый ышаныч телефоны эшләп килә. 2–65–05 номерына шалтыратып, яшүсмерләрдә, олылар да үзләрен борчыган мәсьәләләр буенча ярдәм ала алалар. Безнең белгечләр сезнең сорауларыгызга атнаның биш көнендә 8.00 дән 17.00 гә кадәр җавап бирерләр.

30.04 2013. Иҗат концерты. Бу көнне мәктәбебез укытучылары, укучылар һәм аларның әниләре катнашында, зур әзерлек белән иҗат концерт үтте. Концертта алдынгы укучыларны котлаулар матур җырлар, дәртле биюләр белән үрелеп барды. Концертка кадәр залда ярминкә гөрләде.

29.04.2013. Парламент дәресләре.

Тарих укытучылары Галимова Г.Р. һәм Габдрахманова И.Б.лар “РФ һәм ТР ларының дәүләт символлары” дигән темага парламент дәресләре үткәрделәр. Укучылар бу дәресләрдә Ватаныбызның гербы, гимны һәм флагы турында күп мәгълумат алдылар.

20.04.2013. Туризм ярышында.

Мәктәбебезнең туристлары Субаш мәктәбендә үткән ярышта үзләренең көчләрен сынады. Ярышта кече төркемдә Кадыйрова Айзилә, Гарифуллин Илһам, Шәрәфиев Нәсим, Гыймадетдинов Рафилләр, өлкән төркемдә Гарифуллин Ильяс, Фаттахов Наил, Корбангалиева Раилә, Ганиев Ирекләр катнашты. Ә Гарифуллин Ильяс ярышларда III урынны алды. Афәрин, егетләр һәм кызлар!

22.04.2013. Тукай көннәре.

Мәктәбебездә Тукай көннәре башланды. Татар теле укытучысы Ибраһимова Х.Г. югары сыйныф укучылары өчен “Тукай безнең йөрәкләрдә” дип исемләнгән сыйныф сәгате үткәрде. Балалар бу сәгатьтә бик күп мәгълумат алдылар.

20.04.2013. Язгы өмә.

Шимбә көнне мәктәп коллективы язгы өмәгә чыкты. Кайбер укучылар мәктәп тирәсен чүп-чарлардан җыештырды, кайберләре эреп бетмәгән кар өемнәрен таратты – барысы да тырышып эшләде. Мәктәп тирәсе чистарып калды. 

18.04.2013. Китапханәдә кунакта.

6 сыйныф укучылары татар теле укытучысы Накипова Л.М. белән авыл китапханәсенә экскурсиягә бардылар. Китапханәче Гөлнур апа белән кызыклы әңгәмә үткәреп, китаплар турында үзләренең белемнәрен күрсәттеләр. Китапханәче укучылардан бик канәгать калды. 

15.04.2013.  “Ел укучысы” конкурсы.

Мәктәптә “Ел укучысы” бәйгесе үтте. Бәйгедә берсеннән-берсе сәләтле, белемле, тапкыр укучылар катнашты. Алар үзләре турында визитка һәм презентация эшләделәр, төрле бәйгеләрдә катнаштылар, тапкырлыкларын күрсәттеләр.