Бүген мәктәбебездә экология дәресләре үткәрелде. Бу дәресләрне 1 – 4 нче сыйныфлар өчен Габделхакова Һиндия Мансуровна, 5 – 8 өчен биология укытучысы Яппаров Илдар Вазыйхович, 9 – 11 нче сыйныф укучылары белән биология һәм химия укытучысы Бариева Резеда Габделхаковна үткәрделәр.

Бүген физкультура укытучылары Гилязов Ранил Фәритович һәм Латыйпов Рәсим Кадимович универсиада дәресләре үткәрделәр.

Төрледән-төрле чараларга бай булды бүгенге көн: «Универсиаданы каршылап» темасына дәресләр үткәрелде, 1-4 сыйныфлар арасында «Күңелле стартлар», ә югары сыйныфларда эстафета уеннары чын бәйрәм төсмере алды.

Бүген укучыларыбыз Салавыч – Чепья маршруты буенча туризмга киттеләр.

9 май-Җиңү бәйрәме уңаеннан авылыбызда Бөек Ватан сугышы каһарманнарына куелган һәйкәл янында митинг оештырылды. Бәйрәм мәдәният хезмәткәрләре тарафыннан алып барылып укучыларның, авыл үзешчәннәренең чыгышлары белән үрелеп барды. 

Бүген мәктәп коллективының «Энҗе бөртекләре» дип исемләнгән иҗат-отчет концерты булып үтте.

Тырышып укып, фән нигезләрен кыю үзләштереп, республика, район олимпиадаларында, конкурс-чараларда катнашып, матур күрсәткечләргә ирешкән укучыларыбыз, укытучылар, гаиләләр бер-бер артлы сәхнәгә күтәрелде һәм спонсорлар тарафыннан әзерләнгән бүләкләр алды. 

Табигатьне саклау – безнеӊ изге бурычыбыз. Шул максаттан 5,6,7 нче сыйныф укучылары тарафыннан Шушма елгасы буена өмә оештырылды.

25 нче апрельдән мәктәптә, «Наглядная школа» интерактив укыту кулланмаларын укыту-тәрбия процессында гамәлгә кертү буенча, федераль эксперимент башланды.

30 нчы апрель – янгын сүндерүчеләр көне. Шул уӊайдан классларда «Ут дус та, дошман да!», «Шырпы – уенчык түгел», «Бурдан кала уттан калмый», «Берегись – огонь!», «Огонь – это символ, враг, друг» һ.б. темаларына тәрбия сәгатьләре, өйрәтү максатыннан уздырыла торган эвакуация үткәрелде. Ә аннан соң укучылар Яӊгул янгын бүлекчәсе җитәкчесе Гыйльманов Нияз Шамилевич белән очраштылар.

27 апрель – Россия парламентаризмы көне. Быел ул беренче тапкыр билгеләп үтелә. Шул унайдан 22 - 27 апрель көннәрендә республикабыз мәктәпләрендә парламент дәресләре уза. Бу дәресләрне мәктәптә 24 нче апрель көнне 1 – 4 сйныфлар өчен Габделхакова Һиндия Мансуровна, 5 – 8, 9 – 11 нче сыйныф укучылары белән тарих һәм җәмгыять белеме укытучысы Нәкыйпов Айдар Рафаэлевич үткәрде.