18 мартта Казан дәүләт аграр университетында “Фән һәм Татарстан яшьләре - киләчәккә адым” фәнни –практик конференциясе булды.Анда 11 класс укучысы Гатауллина Адилә III урын, 8 б класс укучысы Садыйков Әмир II урын алдылар. Котлыйбыз!

5б сыйныфы укучысы Юсупов Раил мәктәп командалары арасында ИНТЕР- КУБОК призы өчен булган хоккей ярышларында иң яхшы һөҗүмче буларак танылды. Уңышларың белән, Раил!

15 мартта Балтач районы башкарма комитеты муниципаль хезмәткәре Низамиева Л.Ф. язгы каникуллар алдыннан хокук бозуларны кисәтү максатыннан укчылар белән әңгәмә үткәрде.

12 мартта “Без бергә”  республика конкурсының мәктәп этабы булды.

Татарстанда туган телләр һәм халыклар бердәмлеге елы.
Мәктәп сыйныфларында мәктәпкүләм "Шәҗәрә" бәйгесенең икенче этабы бара. 1-4 сыйныф укучылары бәйгесе. Бәйгенең мөхтәрәм кунагы, ветеран укытучыбыз, эшмәкәр Миннебаева Г. А.

11 мартта “Туган телләр һәм халыклар бердәмлеге” елында  “Мин әни кызы” бәйгесе булды. 9 гаиләдән әни һәм кыз тапкырлыкта, милли аш әзерләүдә һәм сәхнә осталыгында көч сынаштылар.

6 -7 мартта мәктәп  сыйныфларында  8 март - Халыкара хатын-кызлар көненә багышланган  бәйрәмнәр үтте. Мәсәлән:

- 2а  сыйныфында “Әбекәй алтыным, минем иң якыным” кичәсе;

- 4а сыйныфы малайлары кызларга котлау һәм күңелле уеннар оештырдылар.

9-10 мартта мәктәпкүләм шәҗәрә бәйгесе үтте. Беренче этап сыйныфларда, икенче этап мәктәпкүләм дәрәҗәдә узды. Мәктәпкүләм этапка чыккан 13 укучы үзләренең нәсел шәҗәрәләрен ачкан эшләрен жюри алдында якладылар.

2 а сыйныфында "Әбекәй, алтыным, минем иң якыным" исеме астында әбиләр бәйрәме узды. Оныкларының чын күңелдән җиткергән изге теләкләрен, нәни куллары белән ясаган бүләкләрен әбиләребез бик яратып кабул иттеләр. Абдулла Алишның "Ил гизүчеләр белән хәйлә сөючеләр" сәхнә күренеше, әбиләребез белән бергәләп уйнаган милли уеннар бәйрәмдә катнашучыларнын барысына да ошады.

Әлифба бәйрәме.