Барлык укучылар да бер көнгә булса да укытучы булырга тели. Быел безнең мәктәптә шундый мөмкинлек туды.Бу-укучыларның үзидарә көне. Быел җирле үзидарә көне бәйрәм көненә - Укытучылар көне белән бер көнгә туры килде. Балалар бу көнгә бик җитди карадылар. Алдан ук дәресләргә әзерләнәнеп укытучылардан рөхсәт сорадылар. Укучылар укытучылары белән берлектә яраткан фәннәре буенча дәрес үткәрделәр.

Бар күңеллелек бөтен дөньяда, бар бер ямь бүген.

Нәрсәдән бу? — Мин беләм: бәйрәм бүген, бәйрәм бүген!

5 октябрь - Укытучылар көне уңаеннан 11 нче сыйныв укучылары мәктәбебездә эшләүче мөгаллимнәребезне һөнәри бәйрәмнәре белән котлап чәчәк бәйләмнәре белән каршы алдылар. Олы йөрәкле, фидакарь җанлы укытучыларыбызга игелекле һәм мактаулы эшләрендә зур уңышлар, яңадан-яңа үрләр, ныклы сәламәтлек, бетмәс-төкәнмәс сабырлык телибез.

"Туган ягым сулыклары" проекты кысаларында 4 нче сыйныф укучылары белән "Районның чистарту корылмалары" на экскурсия.

Экскурсия на" очистные сооружения района "с учащимися 4 класса в рамках проекта "Водоемы родного края".

"Милли бизәкләрдә - күңел  җылысы" темасына тәрбия сәгате: 4 нче сыйныф укучылары  авылыбызнын милли бизәкләре белән таныштылар.

Воспитательный час на тему "В национальных узорах - тепло души". Учащиеся 4 класса познакомились с национальными узорами нашего села.

Бүген 1 нче октябрь - Өлкәннәр көне.
Мәктәбебез укучылары лаеклы ялдагы апа-абыйларын, әби-бабайларын шушы бәйрәм белән тәбрик итәләр. Хөрмәтле Өлкәннәребез, сәламәт булыгыз, авырмагыз, балаларыгызны, оныкларыгызны һәм туганнарыгызны сөендереп яшәгез.

Мәктәптә укучылар үзидарәсенең чираттагы утырышы. Бу утырышта яңартылган үзидарә үз эшчәнлеген башлады. Октябрь аена эш планы төзелде

"Сез безнең иң кадерле мөгаллимәбез (мөгаллимебез), үрнәк алырлык кешеләребез", - дип башлана Норма мәдәният йортында оештырылган укытучы- ветераннарга, укытучыларга, тәрбиячеләргә һәм башка мәктәп, балалар бакчасы хезмәткәрләренә багышланган "Хезмәтегез мактауга лаек " тантаналы кичәсенә булган чакыру. Ул Хәмидуллин Радик Рәхимҗан улы һәм Ахмадуллин Илгиз Рафаэль улы инициативасы һәм иганәсе белән үткәрелде. Илгиз Рафаэль улы мәктәптә һәркем үз һөнәренең остасы булуын алсызыклады. Аның чын күңелдән әйткән матур сүзләре һәрберебезнең йөрәгенә үтеп керде. Кичәдән күңел түреннән чыккан рәхмәт сүзләре белән кайттык. Кәрим Тинчурин исемендәге дәүләт драма һәм комедия театры коллективы куйган "Нәзер"спектакле кичәне тагын да ямьләндереп җибәрде. Рәхмәт сезгә, хөрмәтегез өчен! Сәламәт булыгыз! Иминлек телибез, хөрмәтле укучыларыбыз! Чараны оештыруда ярдәм иткән һәркемгә тирән рәхмәтебезне белдерәбез.

Мәктәптәбебездә  психологлар  Алсу Васил кызы  һәм Гөлнара Газинур кызы хезмәт күрсәттеләр. Алар укучыларны эмоциональ, ихтыяр, шәхси һәм коммуникатив өлкәләр  компонентларын үстерү буенча дәресләр үткәрделәр.

27 нче сентябрь  көнне мәктәбебездә миләш җыю акциясе үтте . Акциядә барлык класслар да актив катнашты. Кадерле укучылар, хөрмәтле әти - әниләр, миләш җыю акциясендә актив катнашуыгыз өчен  зур рәхмәтебезне җиткерәбез.

27сентября в школе прошла акция по сбору рябины, в которой приняли участие все классы. Спасибо обучающимся и родителям!

Бүген, 27 нче сентябрь көнне, мәктәптә өлкәннәр көне үтте. Хөрмәтле ветеран укытучыларыбызны, башка хезмәткәрләребезне чәй табынына чакырып, хөрмәт күрсәттек. Алар мәктәп уңышларына сөенделәр, үзләре хезмәт куйган чорны сагынып искә алдылар.