Төркемнәрдә  чираттагы әти-әниләр җыелышлары бик оешкан, әзерлекле төстә үтте.

10 февраль көнне балалар бакчасы коллективы районда оештырылган “Татарстан чаңгы эзе - 2013” спорт чарасында актив катнашты. Чараның табигатьнең иң гүзәл урынында узуы, һава торышының искиткеч уңай булуы - кәефләрне күтәрде. Чаңгы шууга тау битендә чана, саласкаларда шуулар өстәлде. Гомумән, коллектив узган ял көнен саф һавада туйганчы ял итеп, табигатьнең гүзәллегенә хозурланып уздырды, тәнгә сихәт, җанга дәва алдык.

Январь аеның соңгы атнасы балалар күңелендә төрле әкият геройлары белән очрашулар, матур театраль күренешләр белән исләрендә калды.

I нче кечкенәләр төркеме мәктәпкә әзерлек төркеме балалары белән бик дус.

I кечкенәләр төркеменнән М.Сәгыть әнисенең кул эшләре белән.

2013 ел – Казан универсиада кунакларын көтә. Безнең бакча эшчәнлегендә дә әлеге зур бәйрәмгә әзерләнү чагылыш таба. Балалар бакчасында педагоглар һәм әти-әниләрнең кул эшләреннән “Сәләм, Универсиада!” күргәзмәсе оештырылды. Күргәзмә оештыруда катнашучыларга рәхмәтебезне җиткерәбез.

Педагогларның һөнәри осталыкларын күтәрү, эш тәҗрибәләрен тарату мөмкинлеге тудыру һәм гомумән тәрбияче һөнәренең бүгенге көндә ролен үстерү эшендә “Ел тәрбиячесе” конкурслары үткәрү зур өлеш кертә. Менә быел да безнең балалар бакчасында “Ел тәрбиячесе” конкурсы зур оешканлык белән үтте, җиңүчеләр, лауреатлар билгеләнде, грамота һәм дипломнар, истәлекле бүләкләр тапшырылды һәм 1 урынны яулаган  тәрбияче – Галимуллина Лилия Галиевна район күләмендә уза торган “Ел тәрбиячесе – 2013” конкурсында катнашуга юлланма алды. 2 урынга – Загидуллина Лилия Фидаилевна, 3 урынга – Низамова Лилия Даулатзяновна лаек булдылар. Коллегаларыбызны чын күңелдән җиңүләре белән котлыйбыз, алга таба иҗади уңышлар һәм яңа үрләр яулауларын телибез.

Елан – ул бик үзенчәлекле  җитез, тыныч, астыртын, җитди һәм үзгәрүчән, көтелмәгән хәлләр-вакыйгалар тудыручы хайван. Шуңа охшап аның елы да гел бер төрле, соры көннәрне  көтелмәгән сюрпризларга, күңелле вакыйгаларга, вакыты белән тынычлыкка күмер дип ышанып калабыз. Тик шулай да, әлеге хайванның бик зәһәр булуын да истән чыгармыйча, уяулыкны онытмыйк. Үзебезне күңелсезлекләрдән якларга, шатлыклы мизгелләрне тиешенчә кабул итәргә әзер булыйк. Бу елан елы безнең барыбызга да бары уңай хәбәрләр, муллык, изгелекләр генә алып килеренә ышанып, бары шуңа гына күңелләребезне, эш-гамәлләребезне көйләп шушы 2013 елга керик. Юраган юш килә диләр, барыбызга да бары изгелекләр, татулык, саулык, байлык юрыйк. ЯҢА ЕЛЛАР БЕЛӘН!!!

25-26 декабрь көннәрендә балалар бакчасында балаларның иң яраткан, көтеп алган бәйрәмнәре - Яңа ел бәйрәмнәре узды.

Яңа елга әзерлек йөзеннән балалар бакчасы коллективы кардан сыннар әвәләп авылыбызда бәйрәм рухы, бизәге кертүгә зур өлеш кертте: бакча территориясендә, Балтач бистәсенең үзәк чыршы мәйдәнында балалар бик яраткан әкият геройлары пәйдә булды.