Быелгы уку елында балалар бакчасы 21 баланы 1 нче класска укырга озатты. 6 ел буе бергә кайнап, бер максатка ирешү өчен иңгә-иң куеп эшләгән, яшәгән  “Зур гаилә”  бәйрәме иде бу. Бәйрәм иртәсендә балалар үзләренең төрле юнәлештә сәләтләрен күрсәттеләр, җыр һәм шигырьләр аша барлык бакча хезмәткәрләрен зурладылар, кабат бакчада узган күңелле балачакларын искә төшереп уздылар.  Әти-әниләр дә бары тик җылы, тирәтен ихтирам белән сугарылган рәхмәт хисләрен җиткерделәр. Ә без үз чиратыбызда бакчада тәрбияләнеп чыгып, зур тормыш юлына аяк баскан һәр чыгарылыш баласына сәламәтлек, иминлек, белем үрләрен яулаганда уңышлар, һәрберсенең сәләтләре ачылуын,  теләкләре тормышка ашуын, игелекле, тәүфыйклы бала, чын кеше булып үсүләрен теләп калабыз. Ак юл Сезгә, балакайлар!