Сабантуйда барлык коллектив та актив катнашты: балалар, хезмәт коллективы һәм дә әти-әниләр. Программа бик тыгыз һәм уйланылган иде, бик матур оешкан милли бәйрәм килеп чыкты. Сабантуй бәйрәме үзәк мәйданда Зур концерт белән башланып китте. Концертта һәр бала үзенең сәләтен күрсәтте, төрле милләт халыклары биюләре тамашачыларны куандырды. Концерт программасында аеруча мәктәпкә әзерлек төркеме балалары актив катнашты.  Бәйрәмнең икенче өлеше төркем участокларында дәвам итте, анда балаларны күп төрле милли сабантуй уеннары, сюрпризлар көтә иде. Уенда бер генә бала да катнашмый калмады. Кич буе сабантуй кунаклары өчен чәй кайнады, табаларда коймаклар  чыжлады, ярминкә эшләде. Кыскасы, балачак сабантуе бик күңелле һәм оешкан төстә үтте. Балаларга шундый матур сабантуе уздыруда зур активлык күрсәткән һәр әти-әнигә зур рәхмәтебезне җиткерәбез.