Балалар бакчасында балалар бик яратып, кызыксынып инглиз телен өйрәнүдә беренче адымнар ясыйлар. Фатихова Динә Ильязовна аларга көн саен  кызыклы һәм мавыктыргыч балалар эшчәнлеге оештыра. Болар – кызыклы әңгәмәләр, сәяхәтләр, әкият геройлары белән очрашулар, төрле уеннар һ.б.

Бүген бездә каз өмәсе

Каз өмәсе бүген бездә.

Каз йолкырга килгән кызлар,

Уңыш юлдаш булсын сезгә!

Балалар бакчасында эшләүче педагоглар әледән-әле төрле югарылыкта һөнәри конкурсларда катнашып, үзләрен сынап торалар. Әле күптән түгел генә музыка җитәкчесе Юсупова У.З. үзенең шатлыгы белән уртаклашты. Ул “23 февраль-2013” Бөтенрәсәй конкурсында катнашып регион буенча 3нче урынны яулаган, диплом белән бүләкләнгән. Хезмәттәшебезнең уңышлары белән без дә сөенәбез һәм шатлыгын уртаклашабыз. 

2 нче кечкенәләр төркеме әти-әниләре көче белән (тәрбиячеләр Халиуллина Р.Г., Ахмадуллина Ф.Ф.) “Көз” тематик атналыгы кысаларында табигать материалларыннан бик эчтәлекле күргәзмә оештырылды. Иҗади якын килеп, актив катнашулары өчен әти-әниләргә рәхмәт әйтәсе килә.

Балтач мәчетеннән дини бәйрәмнәр уңаеннан вәкилләр килү, балалар белән  очрашулар үткәрү матур гадәтткә керде. Бүген дә балалар бакчасына мәчеттән Сәубанова М.М. кунакка килде. Ул балаларны корбан бәйрәме белән котлады, әхлак темасына әңгәмә үткәрде,  күчтәнәчләр таратты. 

Бүген балалар бакчасында  иртәдән үк бәйрәм рухы хөкем серде. Ник дисезме? 2 нче кечкенәләр һәм уртанчылар төркеме балалары үзләренең кадерле әби-бабаларын кунакка көттеләр. Залны бәйрәмчә бизәделәр, үз куллары белән истәлекле бүләкләр ясадылар, җыр-биюләр, матур шигырьләр өйрәнделәр.  Экраннар аша да балаларның әти-әниләреннән, ягъни әби-бабаларның ул-кызларыннан, бакча хезмәткәрләреннән   дә матур бәйрәм  котлаулары яңгырады. 

4 октябрь көнне балалар бакчасында гомуми әти-әниләр җыелышы уздырылды. Көн тәртибендә караласы сораулар буенча әти-әниләр балалар бакчасының яңа  2013-2014 уку елына бурычлары белән таныштылар, “Россия Федерациясенең мәгариф турында” федераль законы (29.12.2012), СанПиН ның яңа санитар-эпидемиологик таләпләре һәм нормалары турында  (29.05.2013) тулы мәгълүмат алдылар.  

Хөрмәтле укытучылар! Сезне чын күңелебездән һөнәри бәйрәмегез белән тәрбрик итәбез. Сезгә ныклы сәламәтлек, күңел тынычлыгы, иҗади уңышлар телибез.   Барлык коллектив исеменнән рәхмәт сүзләре белдерәбез. Сезнең профессиональ, игътибарлы, таләпчән булуыгыз һәм күңел җылыгыз балаларга сәләтләрен һәм талантларын ачарга ярдәм итә. Мәктәптә үткәргән һәр көнегез балалар белән аралашудан шатлык китерсен! Укучылар үз белемнәре белән куандырсын, ә мәктәпне тәмамлаучылар туган мәктәпләрен һәм яраткан укытучыларын онытмасын! Бу сезнең хезмәтегез өчен иң югары бәя!

Бүген балалар бакчасы коллективы өлкәннәр көне уңаеннан үзендә эшләп,  лаеклы ялга чыккан  өлкәннәрне кунакка чакырды. Очрашу бәйрәм өстәле артында матур котлаулар, музыкаль сәламнәр белән үрелеп барды. 

Бүген балалар бакчасында гомуми әти-әниләр җыелышы уздырылды. Җыелышта Балтач районы социаль яклау бүлеге җитәкчесе Гатиятуллина А.Ф. катнашты.  Ул балалар бакчасына әти-әниләр түләгән взносның компенсациясен кайтарудагы үзгәрешләр турында тулы мәгълүмат бирде.