Гадәттәгечә мәктәбебездә иртәнге линейка үтте. 9 сыйныф укучылары үткән атнага нәтиҗә ясады. Яхшы укучылар билгеләнде. Иң чиста класс итеп 9 сыйныфлар, иң яхшы укучы класс 6 сыйныф укучылары билгеләнде. Алдагы уку атнасына бурычлар һәм максатлар билгеләнде.

Укучыларны, көндәлек режимны үтәү сәламәт тормыш рәвешенең төп шарты икәненә төшендерү максатыннан мәктәбебезнең барлык сыйныфларында “Көндәлек режим һәм сәламәтлек” темасына багышланган сыйныф сәгатьләре үтте.

Гадәттәгечә мәктәбебездә иртәнге линейка үтте. 10 сыйныф укучылары үткән атнага нәтиҗә ясады. Арбор авылында үткән көрәш ярышында уңышлы чыгыш ясаучылар бүләкләнде. Алдагы уку атнасына бурычлар һәм максатлар билгеләнде.

Бүген 11 нче сыйныф укучылары үз белемнәрен тикшерү максатыннан математика фәненнән мониторинг эшләделәр.

“Милли кросс” – бөтен Русия буенча үтүче спорт бәйрәме. Ул 2004 елдан бирле уздырыла. Традицион йөгереш быел да мәктәбебездә оештырылды. Шимбә көнне физкультура хәрәкәтен киң массаларга тарату, укучыларда физик культура белән даими шөгыльләнүгә кызыксыну тудыру максатында уздырылган “Милли кросс — 2018” ярышында катнашучылар үзләрен чыдамлыкта сынадылар.Бөтенрусия йөгерү көненә багышланган чарада 100 артык укучы һәм укытучы йөгерешкә чыкты. Әлеге йөгерешнең төп максаты финиш сызыгына беренче килү генә түгел, ә анда катнашу, сәламәт тормыш алып баруны пропагандалау булганы күпләребезгә мәгълүм. Стартка иң элек башлангыч сыйныф укучылары тезелде. Аларны инде урта һәм югары сыйныфлар, укытучылар алыштырды.

16 нчы сентябрь көнне барлык мәктәп укытучылары һәм укучылары көзге табигатькә экскурсиягә чыкты. Табигать кочагында ашлар пешереп, чәй кайнатып, спорт уеннары уйнап рәхәтләнеп күңел ачып ял итеп кайттык.

14 нче сентябрь көнне мәктәбебездә ата-аналар җыелышы булып узды. Әлеге җыелышка районыбызның ЮХИДИ бүлегеннән Галимбеков Раниф Ахматхан улы, районыбызның прокурор ярдәмчесе Шарифуллин Фәрит Гомәр улы һәм бәлигъ булмаган балалар белән эшләү бүлегеннән Шакирова Ләйсән Маратовна чакырылган иде . Алар әти-әниләрне районда булган яңалыклар белән таныштырдылар. Мәктәбебез директоры Сибагатуллин Мәлик Тимерхан улы эчке тәртип кагыйдәләре, алда торган максатлар, куелган бурычлар турында аңлатып үтте.

14 сентябрь көнне мәктәбебездә мәдәни дәрес уздырылды. Бирегә авылыбыз китапханәчесе Әнисә апай чакырылган иде. Ул укучыларыбызга туган ягыбызның мәдәнияты, гореф- гадәтләре турында сөйләде. Соңыннан һәммә балага “Укучының мәдәни көндәлеге”н өләште. Аның белән эшләү тәртибен аңлатып китте.

Бүген, мәктәбебездә мәдәният көне уңаеннан, авылыбыз китапханәчесе Хакимова Әнисә апа башлангыч сыйныф укучылары белән очрашты. Ул аларга мәдәни көндәлекләр тапшырды. Укучыларны мәдәни үзәкләрдә ешрак булырга чакырып калды. Шулай ук өлкән сыйныф укучылары өчен дә шушы темага карата тәрбия сәгате үтте.Укучылар республикада,районда,авылларда эшләп торган мәдәни үзәкләр белән таныштылар.