Кыш. Нинди матур! Урамда бөтерелеп ап – ак кар ява. Барысы да ак юрган астында калган. Агачлар, өй түбәләре кыш буена тирән йокыга талдылар. Урамдагы һәр нәрсәгә сокланып карыйбыз.   Без чаналарыбызны тартып урамга чыгабыз. Кышның матурлыгына сокланып, аның узып киткәнен сизми дә калабыз.

Ниһаять!.. Ниһаять кар яуды. Туган ягыбызга кыш килде.

Кар яуган, яуган!

Мамык кебек кар.

Ап-ак булганнар

Урамнар, кырлар.

Балалар бакчасында тәрбияче Хөсәенова Энҗе әниләр өчен рус теленнән ачык дәрес күрсәтте. Соңыннан балалар әниләренә үзләре ясаган бүләкләрен тапшырдылар.

Бүген мәктәптә 1 нче, 2 нче, 3 нче сыйныфларда фән укытучылары әти-әниләр өчен ачык дәресләр күрсәттеләр.

Армия сафларыннан хезмәт итеп кайткан Фазлыев Салават абый белән очраштык.

Бүген мәктәптә әтиләр җыелышы булды. "Гаиләдә бала тәрбияләүдә әтиләрнең роле нинди?" дигән сорауга җавап эзләдек. Укытучының кереш сүзеннән соң әтиләргә киңәшләр бирелде. Балалары ясаган рәсемнәрдән, хикәяләрдән үзләрен таныдылар, анкета сорауларына җавап бирделәр, видеосюжет карадылар. Җыелыштан һәркем бала белән тигез дәрәҗәдә, дустанә аралашырга кирәк дигән максат белән таралды.

Беренче сыйныф укучылары Борбаш авылы китапханәсендә кунакта булып кайттылар. Аларга беренче сыйныф укучысының мәдәни көндәлеге тапшырылды. 2014 нче ел Татарстанда һәм илебездә Мәдәният елы буларак билгеләп үтелә. Бу көндәлек аларга республикабызның тарихи-мәдәни урыннары һәм мәдәни чаралары белән танышырга ярдәм итәр.

Кадерле укытучылар, укучылар!4 ноябрь – Бердәмлек көнебезнең татар халкына хас сыйфат бу. Нәкъ менә бердәмлек, татулык күп кенә авырлыкларны җиңеп чыгарга, дошманнарны җиңәргә мөмкинлек биргән. Нәкъ менә шушы бердәмлек безнең илебезнең тынычлыгына, мөстәкыйльлегенә китергән. Сезне бәйрәм белән котлыйбыз. Барыгызга да тазалык, саулык, зур уңышлар телибез.

Без технология дәресен яратабыз. Үзебез үстергән уңыштан тәмле салат ясап ашадык.

Бүген мәктәбебездә "Көзге уңыш" бәйрәме булды. Балалар үзләре әзерләгән костюмнарын якладылар, төрле уеннарда көчләрен сынаштылар. Бәйрәм бик күңелле булды.

Мәктәп бакчасында, дуслар,

Тырыш хезмәт куйдык без.

Уңышлар да куандырды,

Сау-сәламәт булыйк без.