Көзгә кадәр, мәктәбем,

Хушлашыйм синең белән.

Сентябрьнең береннән

«Исәнме, мәктәп»,  диеп

Яңадан сиңа киләм.

Уку елына йомгак ясап, бакча, мәктәп балалары һәм әти-әниләр көче белән сабан туе уздырдык. Кыш буе җыйган көчебезне сынаштык, күңелле ял иттек. Ахырдан яшел чирәмгә утырып, тәмле пылау ашадык!

Укуларны уңышлы тәмамлап, язгы табигатькә экскурсия бардык. Табигатьнең матурлыгы белән хозурландык, беренче чәчәкләрне күзәттек. 

Хөрмәтле укытучыбыз һәм хезмәттәшебез Ромия Габделфәртовна!

Сезне матур бәйрәмегез - 50 яшьлек юбилеегыз белән ихлас күңелдән котлыйбыз. Киләчәктә ныклы сәламәтлек, эшегездә уңышлар, гаилә бәхете, шатлыклар телибез. 
Сезгә насыйп булган бәхет, шатлык, 
Якты көннәр мәңге үтмәсен. 
Сәламәтлек - ярты бәхет, диләр, 
Шунысы бигрәк читләп үтмәсен. 
Бәхет чишмәләрегез мул аксын, 
Зур шатлыклар белән таң атсын. 

Бүген сыйныфларда Экология дәресләре узды.

 Кеше туганым! Әйдә, туган табигатебезне саклыйк! Һәрберебез, булдыра алганча, үзебездән өлеш кертик. Агачлар утыртыйк, яшеллекне саклыйк, тирә-ягыбызны чүп-чарлардан чистартыйк, күбрәк җәяү йөрик! Бер-беребезнең сүзләренә колак салып, изге эшләргә тотынсак, табигатебез дә безгә карата мәрхәмәтлерәк булыр иде. Өлкән, урта, яшь буын кешесеме син, барыбер. Туган йортыбыз безгә ничек кадерле булган кебек, табигатебезнең дә кадерен белеп яшик. Пычратмыйк, зарарламыйк, агуламыйк аны. Киресенчә, яшь буын яшәргән кебек  матурайсын, чистарсын  гүзәлләнгәннән гүзәлләнсен иде ул. Бер-беребезне туктатмасак, моңа ирешә алмаячакбыз. Шуңа күрә уйланыйк  һәм саклыйк!

Бүген һәйкәл янында митинг үткәрдек. Сугыш кырында ятып калган авылдашларыбызны бер минут тынлык белән искә алдык һәм кызыл яраннар утырттык.

Укучылар сугыш чоры балаларын якынлашып килүче Бөек Җиңү көне белән котладылар һәм бәйрәмгә чакырдылар.

Бәйрәм белән, дуслар!