Көннәр бик матур тору сәбәпле, без чаңгыларда урманга экскурсиягә бардык. Саф һава суладык, басуның кардан ачыла башлаган урыннарын, күк йөзен, агач төпләрен, уяна башлаган бөреләрне, яр кырыйларын күзәттек. Иртәнге каткан карда туйганчы чаңгы шудык. Экскурсия бик күңелле булды!

Бөек Җиңүнең 70 еллыгын каршылап, укучылар музыка дәресләрендә сугыш, тынычлык турында җырлар өйрәнәләр.

Бөек Җиңүнең 70 еллыгын каршылап, мәктәп коллективы авыл халкы өчен "Кызыл яраннар" дип аталган театральләштерелгән тамаша күрсәтте.

Бөек Җиңүнең 70 еллыгын каршылап, "Җиңү килде җирне нурга күмеп" дигән сыйныф сәгате үткәрелде.

Көннең яктылыгы кояшта,  
күкнең матурлыгы йолдызларда,
җир йөзенең гүзәллеге хатын-кызларда.
Сезне шул җир йөзен бизәгән
Халыкара Хатын-кызлар көне  белән тәбриклибез!
Бәйрәмнең кайсы да тәнгә җиңеллек,
рәхәтлек, җанга ял алып килә.
Шушы бәйрәм көне, елмаеп баткан кояш матурлыгын ,
табигатьнең самимилеген өстәп, 
күңелегезгә шатлык, тәнегезгә сихәтлек, 
өегезгә иминлек алып килсен.

Бүген клубта әниләрне, әбиләрне, апаларны 8 нче Март бәйрәме белән котлап, мәктәп-бакча коллективы концерт куйды.

Бүген 1 нче сыйныф укучылары беренче дәреслекләре-Әлифба белән саубуллаштылар.

Әлифба, син алып кердең

Безне Белем иленә.

Тырышлык та, батырлык та

Шушы илдә беленә.

Бүген мәктәп укучылары "Аҗаган-2015" тә катнаштылар. Алар кар өстендә төрле уеннар уйнадылар, үзләренең көчләрен сынаштылар. Никадәр игътибарлы, көчле, кыю икәнлекләрен тикшерделәр. Иң истә калырдае, уйнап арыгач, кар өстенә утырып, көлдә пешкән бәрәңге ашап, кайнар чәй эчү булды.

Бөек Җиңүнең 70 еллыгы уңаеннан мәктәп-бакча балалары һәм әти-әниләр катнашында бик матур спорт бәйрәме булып узды.

Әтиләребезне Ватанны саклаучылар көне белән котлау өчен үз кулларыбыз белән открыткалар ясадык.