Бүген муниципаль полиция хезмәткәрләре Шәйхетдинова З.Г., Назипова Р.Л., ГБУ "БДД" нең Балтач районы бүлеге җитәкчесе Хадиева Л.М. мәктәбебез укучылары белән очраштылар, юл йөрү кагыйдәләре, яшүсмерләр арасында күзәтелергә мөмкин булган тәртип бозулар турында сөйләделәр.

Пожардан саклану кагыйдәләрен өйрәнү максатыннан мәктәптә өйрәнү эвакуациясе үткәрелде. Тормыш иминлеге нигезләре укытучысы Галимов И.М. укучыларга куркыныч очракларда үз-үзеңне дөрес тоту турында җентекләп аңлатты.

3нче сентябрь-терроризмга каршы көрәштә бердәмлек көне. Бу көн 2004нче елның беренче сентябрь көннәрендә Беслан шәһәрендә булган фаҗигале вакыйгаларга багышлана. Ул террорчылык акты вакытында берничә йөз кеше, алар арасында күпчелеге балалар, һәлак булдылар. Өч көн тоткынлык дәвамында алар бер тамчы су да эчә алмадылар. "Тормыш тамчысы" акциясе - ул хәтер билгесе, безнең белән булмаган кешеләрне символик рәвештә - чәчәкләргә су сибү аша эчерергә чакыру.

3 сентябрь — Терроризмга каршы көрәштә бердәмлек көне. Бу көнне без бер гаепсезгә гомерләре өзелгән террор актлары корбаннарын искә алабыз. Шимбә көн сыйныфларда Беслан фаҗигәсенә багышланган тәрбия сәгатьләре үткәрелде.

Бүген белем бәйрәме,

Кулда чәчәк бәйләме.

Алда көтә дәресләр

Һәм зурдан-зур өметләр.

1 сентябрьдә сыйныфларда "Милли мәдәният һәм гореф-гадәтләр елы" кысаларында Халык сәнгать кәсепләренә багышланган дәресләр үткәрелде.

Быелгы белем бәйрәмендә 1 нче һәм 9 нчы сыйныфлар арасында "Киләчәк самолеты" традициясе кертелде. 9 нчы сыйныфлар беренчеләргә самолетлар ясап бүләк иттеләр. Уку елы ахырында 1 ләр әлеге самолетларны кире тугызынчыларга тапшырачак. 

Арбор мәктәбе бүген җиде карлыгачын, ике сандугачын "очырды". Сокланып, бәхет теләп карагыз. Болар бик матур, бик шаян, бердәм, бик талантлы сыйныф иде... Ак юллар сезгә, балакайлар. Укытучы апа-абыйларыгыз сагыныр сезне.

Соңгы тапкыр чыңлый бу кыңгырау,
Соңгы тапкыр дәшә дәрескә.
Укытучым, синең алда бүген
Сынау тотам соңгы дәрестә.
Алда безне күпме юллар көтә
Бәхетләргә диләр, юл урау.
Шул турыда искә төшергәндәй
Яңгырады соңгы кыңгырау.

Ә без урманда мәктәп Сабантуе үткәрдек: рәхәтләнеп уйнадык, ял иттек, ярыштык, бәрәңге пешердек, бик күп бүләкләр алдык!