Макулатура җыюда барлык сыйныфлар да куелган планны арттырып үтәделәр. Бик зур рәхмәтебезне әти-әниләргә җиткерәбез.

Бүген 6-9 нчы сыйныф укучылары белән Арбор хуҗалыгы сөт фермасына экскурсиягә бардык. Балалар яңа технологияләр буенча төзелгән саву залында, яңа туган бозаулар, берничә айлык бозаулар торагында, азык әзерләү һб күп төрле биналарда булдылар. Ферма мөдире, ветврач, сыер савучылар, тракторчылар һәм башка бик күп үз һөнәре осталары булган авылдашлар белән аралаштылар. Кыскасы, бик күңелле һәм файдалы булды бу экскурсия. Ашханәдә тәмле итеп ашатып, бүләкләр биреп тә җибәрделәр әле укучыларыбызга. Сыерлар, бозаулар, атлар белән фотосессия үткәрдек. Кызыксындырган сорауларга җавап алдык. Профориентация буенча оештырылган әлеге чара укучыларны төрле һөнәр ияләре белән таныштыруны күз алдында тотып оештырылды. 

16 сентябрь көнне мәктәп базасында Арбор җәгыяте призына көрәш бәйгесе үткәрелде. Көч сынашучылар саны азрак булса да, бәйге оешкан төстә узды. 2023 нче ел нәтиҗәләре буенча алдынгы булган 8 нче сыйныф укучысы Аскаров Әхәтне Арбор җәмгыяте велосипед белән бүләкләде.  

"Милләтләр кроссы - 2023" тә катнаштык.

12 сентябрь - Юл-транспорт травматизмын профилактика көне уңаеннан, ЮИД отряды рейд үткәрде. Алар машинада балалар өчен махсус утыргыч һәм каеш булуын тикшерде, велосипедта йөрү кагыйдәләрен искәртте.

Чепья янгын сүндерү бүлекчәсе вәкиле укучыларга янгыннан саклану, аны булдырмау, булган очракта аның турында хәбәр итү кагыйдәләре турында әңгәмә-инструктаж үткәрде.

Уку елы башлану белән алдагы эш, максат-бурычларны әти-әниләргә җиткерү өчен әти-әниләр җыелышы үткәрелде.

Мәктәпнең ЮИД отряды укучыларның киемнәрендә, сумкаларында яктылык кайтаргыч элементлар бармы-юкмы икәнлеген тикшерделәр. Тикшерү нәтиҗәләре белән алар дүшәмбе көн үтәчәк линейкада укучыларны һәм укытучыларны таныштырачак.

Бүген муниципаль полиция хезмәткәрләре Шәйхетдинова З.Г., Назипова Р.Л., ГБУ "БДД" нең Балтач районы бүлеге җитәкчесе Хадиева Л.М. мәктәбебез укучылары белән очраштылар, юл йөрү кагыйдәләре, яшүсмерләр арасында күзәтелергә мөмкин булган тәртип бозулар турында сөйләделәр.