Укучылар һәм укытучылар плотина, елга буйларын чүптән чистарттылар.

15 май - Гаилә көне уңаеннан, әти-әниләр ярдәме белән, мәктәптә ярминкә үткәрелде.

Мәктәпнең "Нурлан" театр труппасы балалар бакчасы нәниләренә әкият куйдылар.

Бөек Җиңүнең 78 еллыгына багышланган митинг бик күп кунаклар катнашында узды. Хәрби операция барышында һәлак булган авылдашыбыз Рәхмәтуллин Шамил Рифат улының әти-әнисенә Батырлык ордены тапшырылды. Шулай ук төрле елларда хәрби бурычларын үтәгәндә һәлак булган 6 егетебезгә Мемориаль такта ачылды.

Укучылар «Җиңү тәрәзәләре» Бөтенроссия акциясендә актив катнаштылар. Алар мәктәп һәм үз йортларының тәрәзәләрен Мәңгелек ут, йолдызлар, Георгий тасмалары, котлау язулары, салют, чәчәкләр һәм ак торна рәсемнәре белән бизәделәр.

Укучылар һәм укытучылар “Георгий тасмасы” акциясенә кушылды. Әлеге чара Бөек Ватан сугышының тарихын саклап калу, безнең өчен гомерләрен кызганмаган әби-бабаларыбыз белән горурлану, үзебезнең аларның варислары булуыбызны онытмау максатыннан үткәрелә.

Бөек Җиңү көне уңаеннан укучылар өчен "Онытырга хакыбыз юк" дигән темага тәрбия сәгатьләре узды. Укучылар Бөек Ватан сугышында катнашкан авылдашларыбыз, әби-бабайларын искә алды. Алар хөрмәтенә оештырылган "Үлемсез полк" акциясенең мөһимлеге турында тыңладылар. Күкрәкләренә Георгий тасмалары тактылар.

30 нчы апрель көнне "Замана белән бергә" исеме астында мәктәпнең иҗат-отчет концерты узды.

"Бумагоплетение" компетенцисендә Зәмирә 1 нче урын!