Ниһаять беренче чирек тәмамланды. Укучыларга чирек билгеләре чыгарылды, инструктажлар үткәрелде., юл йөрү кагыйдәләре тагын бер кабат исләренә төшерелде. Укучылар 29 октябрьдан 6 нчы ноябрьне кертеп ял итәчәкләр. 

Мәктәбебездә ГИБДД инспекторлары булып, башлангыч сыйныф укучыларына юл йөрү кагыйдәләре, аларны үтәмәгән очракта булырга мөмкин күңелсезлекләр турында сөйләделәр һәм беренче сыйныф укучыларына бүләкләр бирделәр. 

Бүген 5 нче сыйныф укучылары рус теленнән впр башкардылар.

Узган атнада дежур торган 8 нче сыйныфлар аңлаешлы итеп,  яхшы һәм кимчелекле якларны  күрсәтеп  иртәнге линейкада чыгыш ясадылар. Тәртипләре начаррак булу сәбәпле 4 нче сыйныфларга шелтә белдерелде.

"Кама" күмәк хуҗалыгы призына үткәрелгән армспорт ярышында укучыларыбыз уңышлы чыгыш ясадылар: Алсинә беренче, Рәмзия  икенче, Рәсимә белән Фәнис өченче урыннарны алдылар. Укучыларны һәм тренерлары - физик тәрбия укытучысы Галимов И.М. ны бу уңышлары белән котлыйбыз.

Шимбә көнне мәдәният йортында бик күп кунаклар катнашында Авыл бәйрәме уздырылды. 

7 нче сыйныфлар мәктәпкүләм чара ештырдылар - "Көзге бал" кичәсе үткәрделәр. Кичә уен-конкурсларга бай булды. 5, 8 нче сыйныф укучыларыннан торган "салават күпере" командасы беренче булды.

Мәктәбебез укытучылары Габделхакова Ралия Габделбәровна һәм Хадиева Әнисә Илнуровна "Алтын көз -2017 "  район конкурсында катнашып 1 һәм 2 нче урыннарга ия булдылар. Сезне бу уңышыгыз белән котлыйбыз, алга таба да зур уңышлар телибез.

Бүген тәрбия дәресләрендә Хәтер көне турында сөйләшүләр булды.

Дусларым табын түрендә

Ашадылар ашымны.

Дусларым ялган дус булган,

Алдадылар башымны!..

Кара төндә кара елан

Уралды билләремә.

Җиде башлы аҗдаһалар

Ябырылды илләремә.

Г. Зәйнашева

Зәкиев Билсур Мәгъсүм улы истәлегенә үткәрелгән татарча көрәш бәйгесендә 9 сыйныф укучылары Аскаров Нияз беренче, Гафиуллин Фәнис икенче, 5 нче сыйныфтан Аухадиев Илдан беренче урыннарны алдылар.