Кадерле 9нчы сыйныф укучылары!

Мәктәптә сез канат ныгыттыгыз,

Хәзер инде очып китәсез.

Шатлык, сөенеч, изге күңел белән

Каршылагыз һәр көн иртәсен.

Эшләрегез һәрчак уңай булсын,

Изге хисләр безнең йөрәктә.

Хәерле Юл сезгә, укучылар -

Калабыз без шушы теләктә.

Мари иленнән килгән делегацияне матур итеп каршы алдык.

Экология елы кысаларында "Тирә-ягыбыз чиста булсын!" акциясе үткәрелде: укучылар плотина буен чүптән чистарттылар.

9 нчы сыйныф укучылары бүген имтиханга әзерлек йөзеннән  рус теленнән диагностик тест башкардылар.

Җиде ятлар туган түгел,

Үз туганыңның кадерен бел!

Исәненең кадерен бел,

Үлгәненең каберен бел.

8 нче сыйныфлар тәрбия дәресендә Гаилә көне уңаеннан "Туганнарның кадерен белик!" темасы буенча әңгәмә үткәрделәр.

3 нче сыйныф укучыларына сыйныф җитәкчеләре урман бете, аның куркыныч һәм зарарлы булуы, саклану чаралары  турында сөйләде.

Сугыш ветераны Гарифҗан абый Галиев һәм тыл ветераннары катнашында Бөек Җиңүнең 72 еллыгына багышланган митинг уздырылды.

Үлемсез полк бердәнбер сугыш ветераны Гарифҗан абый Галиев янәшәсендә.

Мәктәп коллективы әти-әниләр белән берлектә еллык нәтиҗәләрне барлап, концерт куйдылар.