20.04.2012 көнне Арча районы Кырлай авылында "Тукай укулары" булып үтте. 9 нчы сыйныф укучысы Галиева Сөмбел "Бакый Урманче һәм Тукай" номинациясендә I урынга лаек булды. 

"Созвездие-Йолдызлык" эстрада фестиваленең ике зона турын уңышлы гына узып Саммасов Раил конферанс номинациясендә 3 нче урын яулады һәм республика турына үтте.

13.04.2012 көнне 9 нчы сыйныф укучылары Галиева Сөмбел, 10 нчы сыйныф укучысы Галиева Зөбәрҗәт регионара Каюм Насыйри укуларында катнашып, үзләренең эшләрен якладылар һәм грамота белән бүләкләнделәр.

13.04.2012 көнне мәктәбебезнең яшь шахматчылары Күлле-Киме мәктәбендә Камбил Сәфәров истәлегенә узган ярышта катнаштылар.

12.04.2012 көнне татар теленнән "Зирәк тиен" конкурсында укучылар үзләренең көчләрен сынадылар.

10.04.2012 көнне Әтнә балалар видеофистивалендә мәктәпнең "Взятка" исемендәге кыска күләмле фильмы "Шаян фильм" номинациясендә билгеләнеп үтелде.

3.04.12-5.04.12 көннәрендә республика буенча 4 нче сыйныф укучылары рус теле, татар теле, математика фәннәреннән тест биремнәре эшләделәр. Җаваплар бланкларга тутырылды.

3.04.12 көнне мәктәбебез укучылары "XIX гасыр рус әдәбияты" буенча "Эрудит" бәйгесендә катнаштылар. Безнең мәктәп эрудитлары 1 нче урынны яуладылар.

27.03.2012 көнне 1995 нче елгы һәм яшьрәк булган укучылар арасында баручы спартакиаданың егетләр арасында мини-футбол бәйгесе булды. Безнең мәктәп командасы матур чыгыш ясады.

15.02.2012 көнне, мәктәбебезнең 9 нчы сыйныф укучылары Сабиров Рәзил һәм Шагалиев Инзил "Ашыт" вакытлы тыюлыгы һәм район мәгариф бүлеге белән берлектә оештырган район экологик конференциясендә икенче урынны алдылар