Октябрь традицион хокук айлыгы. Без ел саен "Парламент дәресе" кысаларында уздырылган конкурсларда һәм чараларда актив катнашабыз. Быел да башлангыч сыйныф укучылары рәсем, ә 7 класс укучылары газета конкурсында катнаштылар.

18.10.2012 көнне мәктәпкә цирк артистлары килде.

Мәктәбебездә әлегесе вакытта "Парламент дәресләре" кысаларында тәрбия сәгатьләре бара.

Туган якка, аның табигатенә мәхәббәт, үзара дуслык, бер-береңгә хөрмәт хисләре тәрбияләү максатыннан 6 нчы сыйныф укучылары сыйныф җитәкчеләре Садыйкова Резеда апалары белән көзге экскурсиягә чыктылар.

13.10.2012 көнне авыл мәдәният йортында "Бирегез мәйдан" бәйгесе булды. Укучылар бик матур чыгыш ясадылар.

11.10.2012 көнне мәктәптә Хокук айлыгы кысаларында бала хокукларын саклау оешмалары вәкилләре белән очрашу булды. Укучылар йорты директоры Садриева Рита Ришатовна, Багаутдинова Наилә Наилевна, Садретдинова Гүзәлия Фаилевна үз чыгышларында укучыларга бала хокуклары һәм бурычлары турында аңлаешлы итеп сөйләделәр, ярдәм итәргә әзер булуларын белдерделәр.

Бәйрәм белән сезне, укытучым!
Йөрәгемнең якын кешесе!
Дөнья серен миңа өйрәтүчем!
Яшь җаннарга – Ходай илчесе!
 

Сезгә телим: саулык, озын гомер,
Шәхси бәхет, дөнья рәхәтен.
Шәкертләрнең – тырыш, инсафлысын,
Яхшы гамәл, Ходай рәхмәтен.

Рәхмәт сезгә, укытучы апам,
Кызганмадың безгә көчеңне.
Үз сабые кебек якын итеп,
Әйтә идең җылы сүзеңне.

3.10.2012 көнне 4 нче сыйныф укучылары әби-бабайларын өлкәннәр көне уңаеннан кунакка чакырдылар. Сыйныфтагы 8 укучының барысы да әби-бабайлар белән матур итеп яшиләр. Балалар аларга үз куллары белән ясалган бүләкләрне бирделәр. Матур җырлар, шигырьләр сөйләделәр, кызыклы уеннар уйнадылар, бергәләп тәмләп чәй эчтеләр. Килгән кунаклар укучыларның остазлары - Суфия Мансур кызына рәхмәт белдереп, эшләрендә уңышлар, ә балаларга яхшы укырга, тәрбияле булырга һәм тазалык теләделәр. Бәйрәм бик күңелле үтте.

1.10.2012 көнне мәктәбебездә "Өлкәннәр көне" билгеләп үтелде. Хөрмәтле өлкәннәребез! Сезне бәйрәмегез белән ихлас күңелдән котлыйбыз.

Еллар үтә диеп борчылмагыз,

Еллар үтү берни түгел ул.

Сау-сәламәт булып озак яшәү -

Үзе бәхет, үзе шатлык ул.

Мәңге яшь булыгыз әле,

Килегез кабат-яңадан.

Ходай насыйп итсен иде

Очрашырга яңадан!

Исән булыгыз, тыныч картлыкта гомер кичерегез!

Яңа уку елыннан мәктәбебездә шахмат түгәрәге эшли башлады. Укучыларыбыз түгәрәккә бик теләп йөриләр. Җитәкчесе математика укытучысы Ахатов Марат Габделбәр улы. Ук