26 августа состоялся первый педсовет нового 2022-2023 учебного года. На педсовете подвели итоги 2021-2022 учебного года, поставлены цели и задачи на новый учебный год, а также были рассмотрены вопросы по введению обновленных ФГОС НОО и ООО.

26 нчы август көнне яңа 2022-2023 нче уку елының беренче киңәшмәсе узды. Киңәшмәдә узган 2021-2022 нче уку елына нәтиҗә ясалды, яңа 2022-2023 нче уку елына максат һәм бурычлар билгеләнде. Шулай ук яңартылган ФББДС ТББП һәм УББП программаларын тормышка ашыру буенча сораулар каралды.

30 июнь көнне 9 нчы сыйныф укучыларына төп белем турында аттестат тапшырылды. Мәктәбебез белән 10 укучы саубуллашты. Укучыларыбызга алдагы тормышларында уңышлар, сайлаган уку йортларына уңышлы кереп, һәнәр үзләштереп, очраган авырлыкларны җиңел үтеп, лаеклы тормыш теләп калабыз!

24 июнь көнне 11 нче сыйныф укучылары өчен чыгарылыш кичәсе үтте. Мәктәбебезнең 4 укучысы урта белем турында аттестатлар алып, олы юлга, яңа үрләргә юл тоттылар. Укучыларыбызга ак юллар, теләгән уку йортларына уңышлы кереп, һөнәр үзләштереп, илебезнең лаеклы гражданнары булырга язсын!

24 май көнне барлык мәктәпләрдә чыгарылыш сыйныф укучылары өчен соңгы кыңгырау яңгырады. Күәм урта мәктәбеннән дә 14 укучы олы юлга аяк басты. Чыгарылыш сыйныф укучыларын котларга Әтнә районы үзәк шифаханәсенең баш табибы Яруллин Эльдар Шәвкать улы килде. Мәктәбебез директоры Хәкимҗанов Хәмит Гәзим улы укучыларыбызга теләкләрен җиткереп, узган уку елына йомгак ясап, алдынгы укучыларыбызны да котлады. Чыгарылыш сыйныф укучыларын алда имтиханнар көтә. Уңышлар телик аларга!

Хөрмәтле әти-әниләр!

Сезне 24 нче май көнне сәгать 10га мәктәбебезгә "Соңгы кыңгырау" бәйрәменә чакырабыз. 

Дусым филиалында белем алучы 1 нче сыйныф укучыларыбыз Пионерия көнен билгеләп үттеләр. Алар пионервожатый булып эшләгән авылдашлары Зәлфирә апа Шиһапова белән кызыклы очрашу үткәрделәр.

19 май Пионерлар хәрәкәтенә 100 ел уңаеннан мәктәбебездә кичә уздырдык. Әлеге кичәдә укучылар Пионерлар хәрәкәтенең тарихы, атрибутикалары, кагыйдәләре белән таныштылар, пионер булган укытучылар белән аралашып, чын мәгънәсендә шул чорга кайттылар.

"Изгеләр чишмәсен", "Әйшә хан" зиратын җыештыру мәктәбебезнең күркәм традицияләренең берсе булып тора. Быел да чыгарылыш сыйныф укучылары, имтиханнар алдыннан, әлеге изге урынга барып теләкләрен теләп, җыештыру эшләре башкардылар.

7-8 нче сыйныф укучылары рус теле һәм әдәбияты укытучысы Сания Фаритовна җитәкчелегнедә Күлле Киме мәктәбендә урнашкан Сибгат Хәким музеены сәяхәт кылдылар. Биредә укучылар шагыйрьнең тормыш юлы, иҗаты белән берлектә Күлле Киме авылыннан чыккан башка шәхесләрнең тормышы белән дә таныштылар.

Мәктәп бакчасында язгы эшләр башланып китте. Укучылар, укытучылар ярдәме түтәлләр ясап, төрле культурадагы яшелчәләр утырттык.