Лагерьларыбыз эшләрен дәвам итә. Бүген төрле конкурсларга нәтиҗә ясап, иң актив укучыларыбызны билгеләп үттек. Молодцы!

Продолжает работу лагерь труда и отдыха, организованный при нашей школе. Старшеклассники трудятся на пришкольном участке. Работа чередуется с отдыхом.

"Бәхетле балачак" мәктәп яны лагерының бүгенге көне юл йөрү кагыйдәләренә багышланды. Укучылар тагын бер тапкыр аларны искә төшерделәр. Юл йөрү кагыйдәләре - тормыш кагыйдәләре икәнен һәрвакыт истә тотарга кирәк.

Бүген дә лагерьда эш гөрләде. Балалар походка бардылар, саф һавада уеннар уйнадылар. Авылыбыз табигате, чишмәләребез бик матур. Шушы гүзәллекне чиста-пөхтә тотуда игътибарлы һәм сак булырга кирәк. Табигать кочагыннан кайткач, укучыларыбыз "Эссе сугудан саклан" темасына видеоролик карадылар.

Лагерьның 2 нче көне отрядларның рапортыннан, девиз һәм җырларыннан, иртәнге зарядкадан башланды. Аннары күңелле эстафета, мультфильм карау һәм флешмоб уздырылды.

Бүген хезмәт һәм ял лагеры белән "Бәхетле балачак" мәктәп яны лагеры үз эшләрен башлап җибәрделәр. Балаларны күңелле һәм мавыктыргыч көннәр, файдалы ял көтә. 1 июнь - Балаларны яклау көне уңаеннан, укучыларыбыз "Туган ягым" ял паркында оештырылган төрле мастер-классларда катнашып, асфальтта рәсем ясап, концерт карап кайттылар.

Радуют результаты наших учащихся в соревнованиях по легкой атлетике среди девушек и юношей общеобразовательных организаций Атнинского муниципального района в зачет XVIII Спартакиады. 1 место получили 3 учащихся, 2 место 1 учащаяся нашей школы. Поздравляем! Молодцы!

Бүген мәктәбебезнең чыгарылыш сыйныф укучылары өчен "Соңгы кыңгырау" бәйрәме булып узды. Укучыларыбызга имтиханнарны уңышлы тапшырып, үзләре теләгән уку йортларына керүләрен телибез. Ак юллар сезгә! Ак бәхетләр!

Шулай ук 4 нче сыйныф укучылары да башлангыч баскычын тәмамлауларын билгеләп үттеләр. Аларга төп белем үрләрен яулауда уңышлар теләп калабыз.

Бүген 1-8 нче сыйныф укучылары табигать кочагында ял итеп, саф һавада уеннар уйнап, алып килгән тәмле ризыклары белән сыйланып кайттылар. Бу көнне укучыларыбыз һәрвакыт зарыгып көтеп алалар.

Бүген "Казан арты - Әтнә төбәге" IV районкүләм иҗади бәйгесенә йомгак ясалды. 4 нче сыйныф укучысы Хәкимов Әсхәт "Озын тәнәфес" номинациясенең икенче дәрәҗә лауреаты дип танылды. Котлыйбыз!